Iqembu leZimbabwe netball ngoMgqibelo linqotshwe ngele Australia 73-37 emdlalweni wenkezo yeVitality World Cup odlalelwe eLiverpool kwele Bhilithane.
Akade besenkundleni okudlalelwe khona umdlalo lo bathi lizamile iqembu leZimbabwe ebelithwaliswe nzima ngele Australia eliyilo elibambe okwamanje inkezo yeWorld Cup.
Iqembu leZimbabwe elinqobe eleSri Lanka ngoLwesihlanu, lizangqikilana lele Northen Ireland ngeSonto.
UElvis Mpofu, obona ngenhlelo ezitshiyeneyo kunhlanganiso yeWarriors Club eManchester, uthi adlale kahle amantombazana eZimbabwe lobanje bekhulelwe ngabe Australia.
UMpofu uthi kukhangelelwe ukuthi iqembu leZimbabwe lizanqoba eleNorthern Ireland ngeSonto.
“Lilakho ukuya kusigaba esilandelayo nxa linganqoba eleNorthern Ireland. Lilakho njalo ukwenza lokhu lingaba ngelesithathu kusibaya sika Group A kungalane yemiklomelo.”
Ubona ngokwenzakala eLiverpool, uFarai Gore, ukhuthaza abantu bonke ukuthi basekele iqembu leZimbabwe elilakho ukuphumelela emidlalweni yeVitality World Cup.
“Siyalicela lonke elise Liverpool ukuthi libuye ngobunengi benu lizesekela amantombazana eZimbabwe. Sicela njalo abantu bonke ukuthi basekele iqembu leli.”
