amalinks wokungena

Breaking News

Abanye Abakumabandla Aphikisayo Basekela Okwenziwa yiMthwakazi Republic Party Elwisana Lobandlululo


Bazonde okumangalisayo abalandeli beMthwakazi Republic Party.

Iqhubekela phambili ingxoxo yokwenziwa libandla leMthwakazi Republic Party elilwisana lokubandlululwa kwabantu abadabuka eMatabeleleland, ikakhulu emisebenzini.

Ibandla leli lisanda kuvimba koPick N Pay lapho okuqhatshwe khona abantu abavela eMashonaland okuthiwa bangeniswe umsebenzi ngomunye wabo kusanda kuxotshwa umsebenzi abadabuka eMatabeleland.

Sixoxe labantu abambalwa ebulenjini bokuzilibazisa obeFacebook kuhlelo Zimbabwe Today – Asixoxeni. Lalela uzizwele ukuthi bathini.

UMnu. Joel Gabhuza webandla leMovement for Democratic Change uthi okwenziwa libandla leMtwhakazi Republic Party kuveza ukuthi abantu abathwele nzima kwele Zimbabwe.

Uthi kusezandleni zikazulu ukuthi aguqule konke lokhu okwenzakala elizweni.

Lokhu kusekelwe ngabanye abalandeli bomsakazo weVOA Studio 7 abathi kumele ibandla leMthwakazi Republic Party lenza okufiswa nguzulu.

Kodwa-ke uMnu. Nassisio Makhulumo, okubandla leNational Patriotic Front, uthi konke lokhu kumele kulungiswe ngemfanelo ngoba abantu bonke balelungelo lokuhlala lokusebenza lapho abafisa khona.

Uthi abaqondisi bePick N Pay kumele baxotshwe labo abaqhatsha abantu bebandlulula abanye abantu.

Omunye okhulume kuhlelo lolu, othe igama lakhe nguNaledi, uthe wakhe wadinga umsebenzi kodwa wabandlululwa okusegcekeni.

Lubamba Nkii Udaba Lokulwisana Lobandlululo eMatabeleland
please wait

No media source currently available

0:00 0:06:21 0:00

Facebook Forum

XS
SM
MD
LG