amalinks wokungena

Breaking News

Ambassador Carson: Uhulumende Kaqugule Indlela iZimbabwe Electoral Commission Esebenza Ngayo


UAmbassador Ben Carson emhlanganweni owenzelwe kwele Melika ngoLwesithathu.

Inhlanganiso zeMelika ezizimeleyo ezathumela iqula elahlola ukhetho lweZimbabwe ezibalisa iNational Democratic Institute (NDI) leInternational Republican Institute (IRI) zithi uhulumende kumele aguqule indlela ikomishini yezokhetho esebenza ngayo njalo enqabele ukungenela kwamabutho kwezombusazwe.

Inkuthazo le iphume emhlanganweni oqhutshwe zinhlanganiso zombili eWashington DC, khonapha eMelika ngoLwesine.

Umhlangano lo ubungowokuhlaziya ugwalo olwaqoqwa liqula lenhlanganiso lezi eleIRI/NDI Zimbabwe International Election Observation Mission ngemva kokhetho.

Omunye owayekuqula leli okhulume izolo njalo owake wasebenza esigodlweni someli weMelika eZimbabwe, uAmbassador Johnnie Carson, utshele umhlangano lo ukuthi lanxa bekulobubelo kulolu khetho nxa kuqathaniswa lezinye inketho, kunengi okusamele kwenziwe ukuze ukhetho lwezimbabwe lube ngolukhululekileyo.

UMnu. Carson uthe uhulumende kumele aguqule indlela iZimbabwe Electoral Commission eqhuba ngayo umsebenzi ibe lugatsha oluzimeleyo olungathathi hlangothi. Wengeze wathi amabutho lawo kumele enqatshelwe ukungenela kundaba zombusazwe.

“Uhulumende weZimbabwe kumele abone ukuthi ugatsha lweZimbabwe Electoral Commission luba lugatsha olusebenza luzimele. Kumele abone njalo ukuthi kuba lokulingaliswa kwamathuba phakathi kwabesilisa labesifazana. Kumele abone ukuthi imithetho yonke iyahambelana lesisekelo sombuso esitsha. Inkokheli yosiko kumele ivinjwe ukungenela kwezombusazwe. Imisakazo lamaphephandaba kahulumende kumele layo yethule indaba zamabandla aphikisayo, hatshi ezeZANU PF kuphela.”

UCarson wengeze wathi elezimbabwe lilamathuba aphakemeyo okuphuma edakeni elixakele kilo nxa kungalungisiswa ezombusazwe uhulumende enze intando kazulu.

“Ilizwe leZimbabwe ngelinye lamazwe aseAfrica alakho konke okudingakalayo ekuthuthukiseni umnotho welizwe. Ngitsho lezisebenzi, banengi abantu abafundileyo. Kuyaziwa lokho. Ugatsha lwezokwethekelelwa kwelizwe belumi kuhle esikhathini esedluleyo, ngitsho lamanje lwenza kuhle. Imisebenzi yezokulima yayiphumelele njalo iloyiswa ngabantu abanengi ezwekazi leAfrica.”

Omunye njalo okhulume emhlanganweni lo nguMnu. Lary Garber owenhlanganiso yeNational Democratic Institute yena oveze ukuthi sebephume lohlelo lokuhlala bethumela inhloli zokhetho eZimbabwe ngaso sonke isikhathi sokuvota ngitsho lakumaby-elections. Wengeze wathi bazathumela iqula leli ukuyaqapha iby-election yeMutoko ezakwenziwa mhlaka 24 kulinyanga.

“Njengehlanganiso ezizimeleyo, akulandlela esingabamba ngayo uhulumende ukuthi alandele izixwayiso zethu. Esikwenzayo yikuxwayisa kuphela. Isinqumo sokulandela kumbe ukungalandeli esikuxwayisayo sivela kuhulumende weCimbabwe; kungaba yiZimbabwe Electoral Commission, idale lephalamende kumbe umongameli welizwe. Thina akulalutho esingalwenza.”

Lanxa inhlanganiso yeInternational Republican Institute leyeNational Democratic Institute zisithi ukhetho lweZimbabwe kaluqhutshwanga ngendlela ekhululekileyo njalo esuthisayo, uhulumende weZimbabwe uthi ukhetho lolu lwaqhutshwe kuhle njalo uMongameli Emmerson Mnangagwa wanqoba umkhokheli weMDC, uMnu. Nelson Chamisa, okusegcekeni.

Obona ngezemithetho kubandla leZanu PF, uMnu. Paul Mangwana, usthele iStudio 7 ukuthi kabasiboni isidingo sokulungisisa yiloba yini okukhulunywa zinhlanganiso lezi.

Udaba Esilethulelwe NguNtungamili Nkomo
please wait

No media source currently available

0:00 0:04:32 0:00

Facebook Forum

XS
SM
MD
LG