amalinks wokungena

Kuvezwa Indlela Zokubhalisa Amabizo Kugwalo Lokuvota koBulawayo


Abanye ababuye ukuzekuzwa okwethulwa mayelana lazithupha lamaphepha okuvota.

Inhlanganiso ebona ngezokhetho ezweni iZimbabwe Electoral Commission (ZEC) isithole amaBiometic Voter Registration (BVR) kits azasetshenziswa ukubhalisa abantu ukuthi baphatheke ekhethweni lomnyaka ozayo.

UMnu. Innocent Ncube okuwofisi yeZimbabwe Electoral Commission koBulawayo.
UMnu. Innocent Ncube okuwofisi yeZimbabwe Electoral Commission koBulawayo.

Ababhalisayo ukuvoter bangabhalisa endaweni lapho abakhona nxa belamaphepha aqondileyo okubhalisa ukuvota. Amabizo ababhalisileyo azaphuma endaweni eyodwa yokuvotela eseduze lalapho abahlala khona.

UBulawayo sephiwe amaBVR kits angu 110 akhangelelwe ukuthi azabhalisa abantu abafika 444,000. Lokhu kuvezwe emhlanganweni wokwazisa inhlanganiso ezizimele zodwa koBulawayo ngoLwesihlanu.

Ekhuluma esemawofisini eZimbabwe Electoral Commision uDistrict Elections Officer, UNkosikazi Sithembiso Khuphe, uthi uhlelo lokubhalisa abafuna ukuphatheka kukhetho lomnyaka ozayo luzakwenziwa ngamahlandla amane koBulawayo.
Amahlandla lawo azakhangela indawo eziphithizelayo eziqintini zako Bulawayo.

UNkosikazi Khupe okuwofisi yeZimbabwe Electoral Commission koBulawayo.
UNkosikazi Khupe okuwofisi yeZimbabwe Electoral Commission koBulawayo.

​UNkosikazi Khuphe ugcizelele wathi uhlelo lolu lokubhalisa lukhangelele ukufinyelela abantu abafika inkulungwane ezingamakhulu amane lamatshumi amane lane (444,000) koBulawayo kuphela, endaweni zokubhalisa ezilikhulu lasikhombisa (107).

UProvincial Elections Officer (PEO), uMnumzana Innocent Ncube, uthe lolu hlelo lwenzelwa ukuthi kutholakale uluhlu lwamabizo abantu abazavota ngo2018 olungela bantu abafayo njengalolu oludala njalo ibizo lomuntu munye ngamunye lizavela endaweni eyodwa yokuvotela.

Uhulumende weZimbabwe uqale uhlelo lokupha abantu izithupha kunye lengwalo zokuzalwa phambili kokuba baqale ukubhalisa ukuvoter ukwenzela ukuthi abantu benelise ukubhalisa ukuvoter sebelezithupha.
Lokhu kuvezwe nguProvincial Registrar uNkosikazi Jane Peters emhlanganweni lowu.

Abantu ilizwe lonke jikelele bamatasatasa bezama ukuthatha ingwalo eziqondileyo zokuzalwa kumbe izithupha.

Kodwa laba abasebenzela inhlanganiso ezizimele zodwa bathi lolu hlelo lukaHulumende solusenza engani abantu bebesehluleka ukuthatha amaphepha aqondileyo ngenxa yemali khona okwehlula abantu kulubandlululo kanye lezindingo ezinengi ezifunwa yihofisi yokuthatha amaphepha.

UJane Peters, umphathintambo ewofisini yezithupha koBulawayo.
UJane Peters, umphathintambo ewofisini yezithupha koBulawayo.

IZEC ikhuthaze inhlanganiso ezizimele zodwa ukuthi zisebenze kabanzi ekumemethekiseni ilizwi lokubhalisa ukuvoter.

Facebook Forum

XS
SM
MD
LG