amalinks wokungena

Breaking News

Kubhubha Ababili Kwele Botswana Ngemva Kokuhlatshwa Ijekiseni yeCOVID-19


FILE - Ijekiseni yeJohnson isimiswe ukusebenza kwamanye amazwe.

Batshaywa luvala abanye abadabuka eZimbabwe asebehlala kwele Botswana abalinde ukuhlatshwa ijekiseni yokuzivikela kuCOVID-19 ngemva kokubhubha kwezizalwane ezimbili zakwele Botswana ezisanda ukuhlatshwa ijekiseni yeCovishield.

Uhulumende wakwele Botswana ngoMvulo ubike ukuthi sokusenziwa uphenyo phezu kodaba lwabantu ababili ababhubhe ngemva kokuhlatshwa ijekiseni yeCovishield.

ICovishield ifana lejekiseni yeAstra Zeneca kodwa yona yenziwa kwele India.

Kulokukhathazeka okukhulu ukuthi ijekiseni yeAstra Zeneca ayiphathi abanye kuhle ngemva kokuhlatshwa, abanye benquma igazi.

IBotswana ithi ababili ababhubhileyo kade besanda ukuhlatshwa ijekiseni njalo baleminyaka edlula amatshumi amahlanu lanhlanu (55).

Owogatsha lukahulumende olubona ngokusetshinziswa kwemithi elizweni, olweBotswana Medicines Regulatory Authority, uDokotela Parthasarathi Gurumurthu, uthi uphenyo olwenziwayo phezu kokubhubha kwababili luzathatha phose amaviki amabili.

“Kuyande ukuthi uma kulesehlakalo esinje kube lokuhlinzwa kwesidumbu. Angikhulumi ngokufa kuphela kodwa sikhangela lezinye imbhangela. Lokhu kungathatha amalanga afika amatshumi kusiya kutshumi lambili.”

Kulandela izimfa ezimbili lezi, sekulokwesaba ukuthi abantu baqhubeke ngohlelo lokuhlatshwa ijekiseni yeCovid.

Abafana loNkozikazi Sindiso Sibanda, ohlala eGaborone, bathi akumiswe uhlelo lolu ngoba kungabe kulabantu ababulewe yikuhlatshwa ijekiseni yeCovid, kodwa kungabikwa.

“Kumele kumiswe ngoba izimfa yilezi ezimbili ezibhalisiweyo. Kulabanye abangabe befile kodwa izimfa zabo zangavezwa. Abantu bayethukile, ngakho abanengi sebeseseba sibili ukuyahlatshwa ngoba besizwa bengavikelekanga.”

UMnu. Benjamin Sibanda laye uyavuma ukuthi sekulohlupho uma sekubhubhe abantu, ikakhulu ngoba besekuvele kuloku nguna nguna ngaphambilini.

“Vele abantu kade bengathembi, bezibuza ukuthi kambe ijekiseni le isilungele kumbe izasibulala. Manje uma sekuvela okunje, sekusibamgceke ukuthi abantu abakade bekwesaba kukhona. Kuyasethusa kakhulu lathi obekumele sihlatshwe le ijekiseni, kuzakwenza kube lonqineko.”

Kodwa abezempilakahle kwele Botswana bathi abantu befake amaphaphu phansi beqhubeke behlatshwa amajekiseni.

EleBotswana lisungule uhlelo lokuhlaba ijekiseni yeCovid-19 ngenyanga edluleleyo ngemva kokuthola isipho samabhondlela azinkulungwane ezingamatshumi amathathu (30,000) sivela kweleIndia.

Sekuhlatshwe abantu abaphose befike inkulungwane ezilitshumi lasitshiya galombili (17,808), kodwa uhlelo lolu selumile ngemva kokuba amajikiseni asephelile.

Sekubhubhe abangamakhulu ayisithupha lamatshumi ayithupha lane (664) kweleBotswana ngenxa yomkhuhlane we coronavirus.

Umhlaba wonke jikelele, kulokungahlaliseki phezu kwamajekiseni eCovid-19, ngemva kokutholakala ukuthi eyinye, eyenziwa yinkampani yeJohnson and Johnson, layo ibangela ukunquma kwegazi.

Badlela Evalweni Abadabuka eZimbabwe Ngokusetshenziswa Kwejekiseni yeCovishield Ebulala Abantu Ababili
please wait

No media source currently available

0:00 0:03:28 0:00


Facebook Forum

XS
SM
MD
LG