amalinks wokungena

Breaking News

Bayakhala Abadabuka eZimbabwe Abahlala eBhilithane Ngokuvulwa Kwezikolo


Great Britain, A man wearing a protective face mask walks past an illustration of a virus outside a regional science centre

Ukuvulwa kwezikolo kwele Bhilithane ngemva kwenyanga eziyisithupha zivaliwe kulandela ukuqhamuka kweCOVID-19 kwamukelwa ngemibono etshiyeneyo ngabazali abadabuka eZimbabwe asebehlala kulelo lizwe.

Abanye ngabakwamukelayo abanye njalo ngabakhathazekileyo besithi leligcikwane lokhu lisidla amahabula.

Umkhuhlane weCoronavirus ubusuyehlile okwamagama kulandela iziqondiso zelockdown eBhilithane. Sokulokhu kwaqalayo ukuyekethiswa iziqondiso lezi inani labatholakala belegciwane seliqonga njalo nsukuzonke okuyikho osekusethusa abazali abalabantwana abafundayo.

UNkosazana Saziso Nyathi, ohlala eWales, uthi kaphathekanga kuhle ngokuvulwa kwezikolo.

"Ngilomntwana omncane ole five years okuYear One. Ngilovalo kakhulu isiqalisa futhi icorona especially khonangapha thina kubo Cardiff lapho okulomntanami lapha afunda khona. Abantwana abancane angiboni ukuthi bayazwisisa izinto ezinjengabo social distancing lakhonokho ukuthi bangabambani bangahagani badlala ndawonye. So, ngicabangela ukuthi lababalisi babo bayenelisa ukuphathela umkhuhlane abantwana, abantwana bazobuya bazosithelela kumbe lathi abantwana sibanike umkhuhlane bawuhambise ezikolweni."

UMnu. Qobo Mayisa, osebenza kunhlanganiso ezimela izizalwane zeZimbabwe kwele Bhilithane njalo ohlala edolobheni leBirmingham, uthi ulakho ukumemetheka okwethusayo umkhuhlane weCOVID-19 izikolo zingavulwa.

UNkosazana Musa Dube uthi uyamangala ukuthi izikolo zizavulwa njani umkhuhlane weCOVID-19 ungakapheli.

"Khathesi babuyelile kodwa umkhuhlane ulokhu uspreda ulokhu ukhula. Akusela bantu abafayo ye kuhle sibili lokhu kodwa ama cases ayakhuphuka kuthi singani siyama kancane sibone ukuthi izaphethangani ukwenzela ukuthi lathi umoya wethu ukhululeke ukuthi sihambise kakuhle abantwana besikolo."

Ukuhlala kakhulu kwabantwana bengayi esikolweni kwenza abanye bakhohlwe konke abakufundayo. UMnu Gman Sipepa uthi kazivulwe izikolo

"Ikusasa labantwana lisesikolweni, lisemfundweni yabo so okudingakalayo yikuthi abantwana mababuyele eskolweni izikolo zivulwe ukuze libe lihle ilikusasa labantwana yikuthi babuyele eskolweni siyabonga."

Abanengi abadabuka kuzwekazi leAfrica yibo abakhanya bekhathazekile kakhulu sebephilela evalweni. Lanxa uhulumende lapho esethula isilinganiso sabantu ababanjwa belegcikwane leli akehlukanisi ngemihlobo kodwa imbiko evela ku UK Office of National Statistics ithi leli gcikwane le Covid-19 libulala abantu abamnyama okuphindwe kane 4 kulalabo abamhlophe. Lihle laqonga inani labantu abatholakala belegcikwane le Coronavirus kweleBhilithane ngemva kokuvulwa kwezikolo ngeviki ephelileyo.

Ukuvulwa Kwezikolo Kukhathaza Abadabuka eZimbabwe Abahlala eBhilithane
please wait

No media source currently available

0:00 0:03:59 0:00


Facebook Forum

XS
SM
MD
LG