amalinks wokungena

Breaking News

Mthuli Ncube: Umnotho weZimbabwe Uzathuthuka Nge7,4% Ngomnyaka Ozayo


UMnu. Mthuli Ncube

Umphathintambo wezemali, uMnu. Mthuli Ncube, uthi umnotho welizwe leZimbabwe uzathuthuka ngesilinganiso sokwedlula isikhombisa ekhulwini -7.4% ngomnyaka ozayo lobanje ilizwe leli njengawo wonke amazwe womhlaba liphazamiswa ngumkhuhlane weCOVID-19.

UNcube wethule lokhu ekhuluma lamalunga edale lephalamende ngesikhathi behlaziya uluhlu lokusetshenziswa kwemali yelizwe ngomnyaka ozayo.

uNcube uthi umnotho ulakho ukuthuthukiswa ngezokulina ngoba izulu likhangelelwe ukuna kuhle lonyaka.

Uqhubeke esithi imali enengi ezasetshenziswa nguhulumende ngomnyaka ozayo izakwabelwa ugatsha lwezemfundo kanye lolwezimpilakahle.

“Sizaphakamisa ugatsha lwezokwemba ukuze sithole imali njengelizwe. Ukukhuluma ngodaba lokuba sithole imali engange $12 billion kuyasithokozisa. EleZimbabwe kalikasebenzisi elikutholayo kwezokulima, ngakho lokhu sizakuqakathekisa lokhu”

UNcube uthe uzalandela iziqondiso zeAbuja Declaration ezokuthi imali efika isilinganiso sokulitshumi lantathu ekhulwini kumele iye kugatsha lwezempilakahle.

Kodwa ingcitshi kwezomnotho, uMnu. Prosper Chitambara, uthi eleZimbabwe lisasekhatshana ukuba liphumelele.

“Ukukhuphuka kwentengo akumanganga kuhle … Nxa sikhangela indlela intengo ekhwela ngayo emhlabeni singabesibili phambidlana kwele Venezuala.

Lokhu kusekelwe ngenye njalo ingcitshi kwezomnotho, uMnu. Masimba Kuchera. “Angazi ukuthi ubaba uMthuli Ncube uzayithola ngaphi i7.4% ngenxa yeCOVID-19. Kungakabi leCOVID-19 siyakwazi ukuthi umnotho welizwe ube uguqe ngamadolo. Angiboni ukuba kuzakwenzakala lokhu. Ubaba uMthuli udlala ngenombolo.”

Ekhuluma emkhosini munye usibalukhulu webhanga elikhulu lelizwe ele Reserve Bank of Zimbabwe, uMnu. John Mangudya, uthe ibhanga lakhe lizaqhubeka liqinisa umsebenzi wokulawula ukusebenza kwamabhanga wonke elizweni okuzanceda ukuvimba ukuqonga kwentengo yempahla mahlayana elizweni.

Umpathintambo wezemali ukhangelelwe ukwethula uluhlu lwendleko kahulumende lokubuthaniswa kwemali yokuhlawulela leyondleko, olweBudget, ngoLwesine ngeviki ezayo.

UNcube uthi iBudget yalonyaka izalandela uhlelo olusungulwe nguMongameli Emmerson Mnangagwa, lokhuthuthukisa ilizwe kusukela ngomnyaka ozayo kusiya ku2025, olwe National Development Strategy, olwenziwa phansi kwesihloko esithi ‘Towards a Prosperous and Empowered Upper Middle Income Society by 2030’.

Facebook Forum

XS
SM
MD
LG