amalinks wokungena

Breaking News

Uhulumende Usedinga Imali Yokuthenga Inkomo


Umphathintambo wezemali uMnu. Patrick Chinamasa uthi sokudingwa izigidi ezilitshumi zamadollar - $10 million – yokuthenga inkomo lembuzi ikakhulu ezabelweni ezinjenge Matabeleland, Midlands le Masvingo lapho izifuyo eseziphela ngenxa yokuswela amadlelo.

UChinamasa utsho lokhu ngoLwesine esethula ibudget yomnyaka ozayo edale lephalamede.

Uthe uhulumende usadinga izigidi ezingamatshumi amahlanu zamadollar - $50 million – yokuncedisa abalimi ukuthi bavuselele ezokulima emaphandleni.

Uthe eyinye yemali yiyo ezasetshenziswa ukuthenga inkomo lembuzi esezithanyelwa yikuswelakala kwamadlelo lamanzi.

Uphinde wathi inhlanganiso yamazwe omhlaba iFood and Agriculture Organization isiqoqe phose izigidi ezilitshumi lambili zamadollar eMelika - $11.5 million – yokuthenga inkomo, imbuzi lokunye.

EZimbabwe okwamanje kulenkomo ezedlula izigidi ezinhlanu – 5,2 million.
Ingcwethi kwezokuthuthukisa inotho kazulu, uMnu. Everson Ndlovu, utshele iStudio 7 ukuthi imali yokuthenga inkomo lembuzi kumele itholwe nguzulu wonke hatshi abalandeli bebandla le Zanu-PF kuphela.

Sixoxe njalo loMnu. Morris Ngwenya umlandeli webandla le Zanu-PF othi akwenzakali ukuthi imali le itholwe yilabo abasekela ibandla leli.
XS
SM
MD
LG