amalinks wokungena

Breaking News

Biti: Ibudget Yomyaka Ozayo Kayizose Ithakazelelwe Nguzulu


Tendai Biti
Owayengumpathintambo wezemali kuhulumende womanyano, uMnu. Tendai Biti, uthi akusoze kwenzakale ukuthi uhulumende we Zanu-PF ayethule ngoLwesine ibudget ekhangelane lenswelo zikazulu.

UBiti ongunobhala jikelele we MDC-T uthi kuzamangalisa uzulu okuzakwethulwa nguMnu. Patrick Chinamasa njengoba ele Zimbabwe lingela mali yokuqhuba inhlelo zentuthuko.

Uthi okunye okuzakwenza ukuthi kube le budget engelahlonzi yikuthi uhulumende kaMongameli Robert Mugabe ungene embusweni ngobuqili.

Uthi lokhu sokwenze ukuthi amankampani emazweni angavuli amafekithali kwele Zimbabwe esesaba lokuthi angalahlekelwa yimali ngenxa yohlelo lokwabela uzulu amashares amankampani emazweni olwe indigenization.

Uphinde wathi uhlelo ulusungulwe yi Zanu-PF iZimbabwe Agenda for Social Transformation alusoze luvuselele umnotho welizwe.

Siyehlulekile ukukhuluma lo Chinamasa obikwa elungiselela ukwethula ibudget ngoLwesine.

Sixoxe lengcwethi zenotho ezithi umnotho we Zimbabwe okwamanje kawuvumeli ukuthi kube le budget ezathakazalelwa nguzulu.

Eyinye yalezingcwethi uMnu. Masimba Kuchera okunhlanganiso ye Center for Disability and Development akwenzakali ukuthi yhulumende ayethule uluhlu olubalulakileyo lokusetshenziswa kwemali kahulumende – ibudget yomnyaka ozayo.
XS
SM
MD
LG