amalinks wokungena

Breaking News

Ikhansili Ikhuphula Inhlawulo Yokutshiyeneyo


Bulawayo City Hall

Uhulumende weZimbabwe usevume isicelo sekhansili yedolobho lakoBulawayo sokukhuphula inhlawulo zonke zekhansili ngesilinganiso samakhulu phose amane ekhulwini-372%, okuzaqala ukubonwa nguzulu kunhlawulo zikaZibandlela womnyaka ozayo.

Lokhu kwamukelwe ngokudana okukhulu yizakhamizi zakoBulawayo ezithi akuhambelani leholo elizitholayo njalo ikhansili iyehluleka ukusebenzela uzulu.

Umanisiphala wakoBulawayo wazise namhlanje ukuba usephiwe imvumo yokukhuphula imithelo.

Isikhulumi seKhansili yaleli dolobho, uNkosikazi Nesisa Mpofu uchasisa ngokukhuphulwa kwemithelo le.

“I2020 Supplementary Budget isivunyiwe nguhulumende okutsho ukuthi amaservices atholiswa yikhansili azakhwela afike 372 percent. Lawa macharges azaqala ukutshengisa kumabill ngoJanuary 2021. Sithanda ukubonga laba ababhadalayo on time kuthi abangakaqali baqale ukubhadala.”

Isakhamuzi sakoBulawayo, uMnu. Bekithemba Mlalazi, ukhala ngokukhuphulwa kwemithelo yikhansili lohulumende ethi kungaphezu kwamandla akhe.

“Ukukhwela kwamarates kuzabanzima, sikhuluma kunje kunzima ukhansili uzavalela abantu amanzi lokubathathela izindlu kulobunzima ngoba abantu bebevele bengenelisi ukubhadala kungakakhwezwa.”

Isiphathamandla senhlanganiso ebona ngamalungelo abathengi eyeNational Consumer Rights Association, uMnu Effie Ncube, uthi lokhu kuzasinda izakhamizi.

“Kutsho ukuthi izakudla kakhulu ezambeni zabantu bona abalala bengadlanga bengelatshukela, isawudo bevele bethwelenzima ngokuswela imali yesikolo njalo bebhadalela amanzi angekhoyo lezibi ezingabuthwayo Kanye lesewage egeleza indawo zonke ubulawayo uyaphihlika kuyinto embi kakhulu ngabe imali ithi ithathwa isebenza izinto ezingakhanyiyo.”

Ikhansili kunyanga ezimbili ezedluleyo ithaphe imibono kazulu enkundleni yokuxhumana eyebulenjini, yeWhatsApp mayelana lokukhuphula imithelo yemisebenzi ehlukile abayenzela abahlali bedolobho kwabalokungazwani.

Abakatsho abakakhansili ukuba kahlekahle izakhamizi ziyahlawula malini kodwa yazise ukuba imithelo emitsha izabonakala kumithelo ezaphuma kunyanga ezayo.

Udaba Esilethulwe nguAnnahstahcia Ndlovu
please wait

No media source currently available

0:00 0:02:20 0:00

Facebook Forum

XS
SM
MD
LG