amalinks wokungena

Breaking News

Abongi koBulawayo Bathi Sebefuna Ukubuyela Emsebenzini


Bazonde Okumangalisayo Abongi ...

Abongi abalenyanga phose ezintathu bekhalala umsebenzi bathi babuyela emsebenzini ngoMvulo ngoba abanye babo benza lokhu bengakhulumisananga lenkokheli yeZimbabwe Nurses Association.

Abangene umhlangano wenhlanganiso le ngoMgqibelo koBulawayo bathi kuthethwe isinqumo sokuthi kumele babuyele emsebenzini ngenxa yokuthi inengi labo selabuyela ezibhedlela.

Abongi laba bakhalala umsebenzi bekhonona ngeholo eliphansi. Uhulumende kazange azihluphe ngokukhalala kwabo umsebenzi lobanje kwavinjwa iholo labo.

Omunye wababuyela emsebenzini kusasa ngofise ukuthi sithi nguNkosikazi Sithole.

“Thina lapha kusase le confusion ngoba abanye bebesebenza abanye bengayi. Last month izimali azingenanga, so thina njengoBulawayo sicine sisithi ilanga lakusasa siyaqala ukusebenza. Singazi ukuthi amanye ama province azenza njani. Kodwa izikhalazo zethu lokhe zingatshintshanga.”

Inhlanganiso yeZimbabwe Nurses Association yalile ukukhuluma ngodaba lolu isithi isahlolisisa okwenzekala ezibhedlela. Sehlulekile ukukhuluma lomgcinisihlalo weHealth Service Board, uDokotela Paulinus Sikosana, ubengaphenduli umakhalekhukhwini wakhe.

Umqondisi wesibhedlela seMpilo Central Hospital, uSikhwicamfundo Solwayo Ngwenya, uthi kazilutho ngokwenziwa ngabongi okwamanje.

URetired General Constantino Chiwenga, ongumsekeli kamongameli obona njalo ngokuphathelane lohlangothi lwezempilakahle, ucele abongi ngeviki ephelileyo ukuthi babuyele emsebenzini.

Isakhamuzi sakoBulawayo, uMnu. Sandile Mdlongwa, uthi abongi kufanele bafake impilo yabantu phambili kwezikhalazo zabo.

“Abantu bebesifa lapha esibhedlala kungela ma nurse. Mina ngibona engani impilo zabantu kufanele baziqakathekise. Sonke lapha eZimbabwe sithwele nzima. Imali ayeneli njalo esisebenza khona asila PPE (Personal Protective Equipment) so sonke nje sibanjwe ludaba lolu. Nxa bengabuyela emsebenzini kuhle kakhulu, abantu baphephe ezibhedlela. Inursing akumelanga umuntu ayenzele imali kodwa isihawu sokufuna ukunceda abantu nxa bephathekile.”

Kodwa uNkosikazi Hlengiwe Bhebhe, esinye isakhamuzi sakoBulawayo, usola isinqumo sabongi esokubuyela emsebenzini.

“Ngibona engani ukuthi o-nurse babuyele emsebenzi uhulumende engakaze akhangele izikhalazo zabo kutshengisela ukuthi bayavuma ukuthi bafake impilo zabo ku risk ngoba iPPE lokhe ingekho ezibhedlela kodwa iCorona lokhe ikhona. Imali abayiholayo lokhe engeneli lutho, engxenye sebesesaba ukuthi bangaxotshwa emsebenzini ngoba phele uVP Chiwenga wake wabaxotsha. Kodwa ukubuyela kuzenza uhulumende lo olukhuni angenzi lutho ngokukhangela izikhalazo zabo.”

Uhlangothi lwezempilakahle lubhekane lenhlupho ezinengi ezibangelwa yikugugudeka komnotho eZimbabwe.

Sebefuna Ukubuyela Emsebenzini Abongi Abalesikhathi Eside Bekhalala Umsebenzi
please wait

No media source currently available

0:00 0:02:46 0:00


Facebook Forum

XS
SM
MD
LG