amalinks wokungena

Breaking News

Abalandeli Bebandla leZanu PF Bahlasela Abebandla leMDC Alliance Abahamba loChamisa


Imota yebandla leMDC Alliance etshaywe ngamatshe ngabalandeli bebandla leZanu PF eMasvingo. (Source: MDC Aliance)

Abalandeli bebandla leZanu PF bahlasele abalandeli baka Mnu. Nelson Chamisa namuhla eMasvingo lapho akade befuna ukwenza umhlangano lenkokheli yomdabu leyenhlanganiso ezitshiyeneyo lezakhamizi.

Ibandla leMDC Alliance lethule umbiko othi abalandeli bebandla leZanu PF abafika amakhulu amabili – 200 batshaye imota zabo ngamatshe njalo bavala imigwaqo besebenzisa amatshe lengatsha zezihlahla. ebezithunqa intuthu eyethusayo.

Ibandla leli lithi abanye babo obekumele beyelungiselela uChamisa endaweni okulenduna uFortune Charumbira, balimele. Okwamanje basesibhedlela eMasvingo General Hospital.

Ibandla leMDC Alliance lithi uChamisa kalimalanga kusehlakalo lesi okuthiwa senziwe ngomunye wabakhokhela ibandla leZanu PF eMasvingo okukhanya engani uthunywe nguMongameli Emmerson Mnangagwa labanye bakhe.

Lithi kuyayangisa kakhulu okwenziwe libandla leZanu PF elingafuni ukuba uChamisa abuse eleZimbabwe.

UChamisa wethekelela izabelo lapho axoxisana khona labantu abatshiyeneyo ngokumele kwenziwe ngokhetho oluzakwenziwa ngomnyaka ka2023.

Kasenelisanga ukukhuluma ngodaba lolu leziphathamandla zebandla leZanu PF lamapholisa abatshengise ukungathakazeleli ukuxoxa leStudio 7.

Facebook Forum

XS
SM
MD
LG