amalinks wokungena

Breaking News

Abantu Bayakhala Ngokubhubha Kuka Charles Chilufya


Owayedlalela iqembu leHighlanders, uCharles ‘Chief’ Chilufya, kasekho. Izihlobo zakhe zithi ubeselesikhathi egula. Kabavezanga ukuthi ubebulawa yini.

URahman Gumbo, owayengumqeqetshi weqembu leHighlanders ngesikhathi uChilufya edlalela iqembu leli, uthi umuyi wayelijaha elalihlonipha okumangalisayo njalo wayelalela asebenze ngemfanelo enkundleni yomdlalo.

UChilufya waziwa ngokuhlohla amabhola eyesethusa ababengqikilana leHighlanders njalo langokulichaya ibhola phakathi laphakathi kwenkundla ku-midfield.

Wadlala lowayengukhaphutheni weqembu leBosso uThulani Biya Ncube, uBekezela ‘SaMaNdlo’ Ndlovu, Johannes Ngodzo, Richard Choruma, Gift Lunga Junior, Noel Kaseke, Mamba Chisoni, Blessing Gumiso labanye abaphakamisa izicoco ezimbalwa zePremier Soccer League eZimbabwe bendlala bonke.

Abalandeli bomsakazo weStudio 7 abalandela iqembu leHighlanders bathi balahlekelwa kakhulu.

Facebook Forum

XS
SM
MD
LG