amalinks wokungena

Breaking News

UMongameli Xi Jinping weChina Unika Amazwe eAfrica i$60 Billion


Umongameli Xi Jinping weleChina eseSouth Africa emhlanganweni we FOCAC

Umhlangano wamalanga amabili oweForum for China-Africa Cooperation (FOCAC) uvulwe ngokusemthethweni eJohannesburg ngoLwesihlanu kwathi umongameli weChina umnumnzana Xi Jinping wahle wazisa ukuthi eleChina lizakupha amazwe eAfrica amadola angamabhiliyoni angamatshumi ayisithupha - $60 billion.

Inkokheli yamazwe aweAfrica emhlanganweni waleli zwekazi lele China owe FOCAC
Inkokheli yamazwe aweAfrica emhlanganweni waleli zwekazi lele China owe FOCAC

Le yinto etshayelwe ihlombe ngomongameli bamazwe eAfrica kwathi uMongameli Robert Mugabe wachaza umongameli Xi Jinping njengenceku ethunywe yiNkosi.

Inkokheli zamazwe eAfrica ezedlula amatshumi amathathu bezibuthene eJohannesburg ekuvulweni ngokusemthethweni komhlangano weFOCAC.

Inengi lalezi nkokheli bezithiye indlebe ukuzwa ukuthi ncedo bani oluze leChina lokuphathisa ezomnotho zamazwela ezingamanga kuhle.

UMongameli Xi uvele wayitshaya esikhonkosini wendlala amacebo abanzi okuphathisa izwekazi leAfrica.

Limali izasebenza kuntuthuko yezamabhizimusi, ezokulima, enhlelweni zokuqeda ubuyanga, kwezemfundo, ezempilakahle lezinye inhlelo.

Emhlanganweni we Focac
Emhlanganweni we Focac

UMongameli Xi ukubeke kwacaca ukuthi iChina le Africa bafuna ukuqhuba ubungane ubulenhlonipho lokulingana. Uthe njalo akekho umakhonya kulobu budlelwano kodwa iChina izancedisa iAfrica kuphela ekuhluzeni inhlupho zayo ngendlela efuna zihluzwe ngayo.

Le yinto ethokozise uMongameli Mugabe waze wathi umongameli Jinping yinceku yeNkosi ethunyelwe eAfrica.

Umongameli Robert Mugabe elomongameli Xi Jinping wele China
Umongameli Robert Mugabe elomongameli Xi Jinping wele China

Enkulumeni yakhe kulo umhlangano, umongameli Mugabe uncome eleChina esithi ubudlelwano bayo leAfrica ngoba ntolontolo. Ubuye wachothoza labo abathi kufanele injongo zeChina ziqatshelwe.

NgoLwesihlanu kube lombukiso wemifanekiso ekhombisa ukuphumelela komanyano weFOCAC kwabuya kwaba lomunye njalo wamankampani enza impahla asekelwa zinhlelo zeFOCAC. Kube njalo lomhlangano wabosomabhizimusi ndawonye lenkokheli zamazwe.

NgoMgqibelo inhlanganiso yamakhosikazi abomongameli izaqhuba owayo umhlangano andubana lumbuthano uvalwe ngokusemthethweni.

Udaba lomhlangano weChina lamazwe awe Africa
please wait

No media source currently available

0:00 0:02:38 0:00
Lapho esitholakala khona

XS
SM
MD
LG