amalinks wokungena

MDC: Amabandla Alodlakela Engangeni Kukhetho

  • Chris Gande

Edolobheni leChitungwiza

Ibandla leMovement for Democratic Change elikhokhelwa nguMnu. Welshman Ncube lithi kumele amabandla ezombusazwe alodlakela angavunyelwa ukungena kukhetho.

Lokhu kugcizelelwe yinhlanganiso elwela ukhetho olukhululekileyo eye Election Resource Center ethi isisungule uhlelo lokubuthanisa izehlakalo zodlakela olungacina lusenza impumela yokhetho ingatshengisi intando kazulu.

Ngempelasonto udlakela luqhamuke edolobheni leChitungwiza phakathi kwabasakhulayo bebandla leZanu PF leMDC-T kwalimala abambalwa lanxa amapholisa abelokhu engakabophi muntu.

Abazi ngokwenzakalayo bathi udlakela lolu luqale ngemva kokuba abatsha be MDC-T bengena ezindlini bekhuthaza uzulu ukuthi ayebhalisela ukuvota.

Imota kakhansila Betty Dokora, ongumka mphathintambo wezemfundo, uMnu. Lazarus Dokora, ibikwa itshaywe ngabasekeli bebandla le MDC-T yafa amafasiteli.

Amapholisa ayalile ukukhuluma le Studio 7 ngaloludaba.Ukuhlaziya loludaba sixoxe lengcwethi ecubungula ezombusazwe, uMnu. Bhekilizwe Bernard Ndlovu, endawonye loqoqa inhlelo zabatsha kubandla le MDC-T, uMnu. Desmond Ncube onguye osungula lingxoxo.

Facebook Forum

XS
SM
MD
LG