amalinks wokungena

Breaking News

Bakhathazekile Abatsha Abangelamisebenzi eZimbabwe


Amalunga ebandla leZanu PF akhuluma labantu emhlanganweni koChiwundula esabelweni eLower Gweru. (Photo: Ezra Thisa Sibanda)

Intsha yiyo elenani eliphezulu kwele Zimbabwe kukanti yibo abangela misebenzi kodwa isimanga balutshwana kakhulu abangena kwezombusazwe njalo inani labavotayo ngezikhathi zokhetho livame ukuba phansi kakhulu.

Akukacachi ukuthi abatsha bami ngaphi kwezombusazwe. Inengi labo likhala ngokuthi lanxa liyabe lifundele imisebenzi eminengi bathi bengaqgiba izifundo bangayitholi imisebenzi.

Bayakhankasa emaphandleni abakubandla leZanu PF. (Photo: Ezra Sibanda)
Bayakhankasa emaphandleni abakubandla leZanu PF. (Photo: Ezra Sibanda)

UNkosazana Nompilo Dewa ngumgcinisihlalo wabatsha kubandla elibusayo leZanu PF koSiwundula eNkabazwe.

"Mina ngili youth leZANU PF. Esigabeni kuright lakhathesi awukho umsebenzi sikhuluma nje sihlezi. Sithi sicela imsebenzi. Into nje esingayenza nathi sihlezi. Hayi amabandla kangiwadingi ngihlezi nje lami khonapha kuZANU PF ngibambelele khonapho. Lanxa nje into yakhona isenzakala nje sikhangele nje lalapho esihlangana khona nje singabantu sikhangele singama youth singabadala hayi sikhanya siyi number enengi kakhulu sizawinner. Amanye ama-youth nje ngingawatshela ukuthi sicelacele nje izimali lapho esingazicela khona ebandleni lethu lathi sizuze ukuphumelela ngokunye lathi sithole esingakwenza."

UMike Suku, owebandla leMDC Alliance koMadinga Village eLower Gweru, uthi eleZimbabwe selibhidlizwe yiZanu PF.

Bamelele ukuhola ukudla lokunye koChiwundula eLower Gweru. (Photo: Ezra Tshisa Sibanda)
Bamelele ukuhola ukudla lokunye koChiwundula eLower Gweru. (Photo: Ezra Tshisa Sibanda)

"Ilizwe lakithi leli selimi manzonzo leli, belilizwe elihle kakhulu, lathi besikhakhelela ukuthi ngesikhathi ubaba u Tsvangirai eqala into zepolitics lezi besizitshela ukuthi vele ilizwe leli sizalithuthukisa libelilizwe elihle kakhulu kodwa eish so far nge development vele eZimbabwe lapha vele ngingathi akusela, yah ngoba sikhangele ukuthi even lama MPs ethu awe MDC, ama councillors ethu awe MDC angaba lama proposals, I development aya-crusher. So end of the day sitshayani? akulanto ephumayo."

Ibandla leZanu PF lisemkhankasweni wokuhuga abatsha emaphandleni ukuthi bengene kulelobandla.

UMnu Loyd Dube, uleminyaka engamatshumi amabili lanhlanu yokuzalwa- 25, ngomunye wabasanda kuba lilunga lalelibandla ngalumkhankaso.

Izakhamizi zako Chiwundula. (Ezra Tshisa Sibanda)
Izakhamizi zako Chiwundula. (Ezra Tshisa Sibanda)

"Hayi ngkhona ngingene khathesi mina kade ngingekho iskhathi sonke lesi, lami angazi lami ngingenile ukuthi angazi, so angazi okuzaphuma. Ngikhuthaza nje ukuthi nxa singathola okunye okokwenza nje okunye sengathi okungakwanisa ukuthi lathi sithole ukuphila njengamaYouth cause okwakhathesi be kungela ngitsho osebuyile no any party ebuye istshela so bonaba yibo abaqale ukufika lathi sisathi sizobonila ukuthini ukuthi abakwenzayo benza ngezani."

Abanye abasakhulayo bathi kukhetho luka 2023 kuzaba lenguquko njalo ibandla eliphikisayo lizanqoba liphathe ilizwe.

Bahamba emihlanganweni lokuyadinga ukudla ngenqola endoswa zinkomo. (Photo: Ezra Tshisa Sibanda)
Bahamba emihlanganweni lokuyadinga ukudla ngenqola endoswa zinkomo. (Photo: Ezra Tshisa Sibanda)

Omunye wabo nguMnu Adonis Sibanda, umkhokheli wezabatsha kuMDC Alliance, esiqintini seGweru District.

"Mina ngiku MDC ekhokhelwa ngubaba uNelson Chamisa. Into eyenzakala eZimbabwe zinzima kakhulu and sisizwisa ubuhlungu. Impilo esiphila eZimbabwe. Njengama Youth thina be sikhangelele ukuthi njengesithembiso esasithembisiwe last election sithenjiswe ukuthi kulemisebenzi esizayithola kuzabale creation of employments, sithole ukuthi kakula sesize sisiya ku second election kungela kufezeka kwemisebenzi eyayithenjisiwe. Ama election azayo sikhangelele ukuwinner ngendlela esisebenza nzima ngakhona, labantu phandle sebezibonele and bayakhuluma ukuthi next election labe ZANU benje so bayasithembisa ukuthi silabo bazasisapota.

Abanye abantu abamelele ukuhola umumbu koChiwundula eLower Gweru eNkabazwe. Sebezaqala abezombangazwe ukukhankasa esigabeni lesi kulungiselelwa ukhetho oluzayo. (Photo: Ezra Tshisa Sibanda)
Abanye abantu abamelele ukuhola umumbu koChiwundula eLower Gweru eNkabazwe. Sebezaqala abezombangazwe ukukhankasa esigabeni lesi kulungiselelwa ukhetho oluzayo. (Photo: Ezra Tshisa Sibanda)

Abanye abasakhulayo bathi kabangeni kwezombusazwe ngoba amabandla akhona akaqondakali njalo akameli izifiso zabo.

UMnu John Ndlovu weSilobela uleminyaka engamatshumi amabili lantathu 23 years ngomunye wabo.

"Akula party esimelayo njenga bantu besiNdebeleni yazi bonke sebehlulekile ukuthi bamele thina esikumelayo njengesizwe sethu sesiNdebeleni ukuthi sifunani. Abasimeli yonke into yenzelwa khonane phetsheya eHarare. I kusasa kwami mina nxa ngilikhangele lamaparty wonke akhona la angiliboni ngenxa yokuthi akulamuntu obuya esithi uMndebele oyi youth sizamenzelani."

Inengi labatsha lithi alizlayo intshukuntshuku yokuvota kukhetho eZimbabwe ngoba amabandla akhona akalasikhathi labasakhulayo. Abanye njalo bathi kulobandlulo olukhulu ikakhulu ekuncintiseni ukuthi labo bathole izikhundla zaphezulu kulawo mabandla ikakhulu kwasakhulayo besifazana. Bathi kuba lokulwisana kubangwa lezo zikhundla okucina kubangela ukuba bengakhwabithi ukuphatheka kumabandla ezombusazwe njalo bengazihluphi ukungena babengamalunga kumbe bavote.

Facebook Forum

XS
SM
MD
LG