amalinks wokungena

Breaking News

Amapholisa: Akusamelanga Abantu eHarare Benze Imihlangano, Bathengise Ukudla Emigwaqweni


Kuhlolwa umuntu olomkhuhlane wesihudo.

Amapholisa eZimbabwe athi akusamelanga abantu benze imihlangano eHarare kulandela ukuqhamuka komkhuhlane wesihudo osubulele abantu abangamatshumi amabili lanye.

Lokhu kwethulwe nguSenior Assistant Commissioner Charity Charamba oxoxe lentathelizindaba yeReuters News Agency izolo kusihlwa.

UCharamba uthe abantu balakho ukuthelelana umkhuhlane lo bangabuthana endaweni ezitshiyeneyo. Uphinde wathi abathenga bethengisa impahla etshiyeneyo akusamelanga bathengise ukudla emigwaqweni.

Kusenjalo, umanyano weUnited Nations uthi umkhuhlane wecholera uqhubeka usidla ubhedu elizweni.

Ukuqhamuka kwalumkhuhlane emalokitshini amabili eharare abalisa eleGlen View leleBudiriro sokutshiye abantu abanengi besesabela ukuthi ulakho ukubulala inkulungwane zabantu nxa ungaphangiselwanga nguhulumende.

Ngomnyaka ka2008 ubulale abantu abazinkulungwane ezine. Sixoxe lomele indawo yeSouthertone ekhansilini yeHarare, uMnu Peter Moyo, yena othi umumo uya usiba mubi.

Ingxoxo Esiyenze LoMnu. Peter Moyo
please wait

No media source currently available

0:00 0:05:17 0:00

Facebook Forum

XS
SM
MD
LG