amalinks wokungena

Breaking News

Inhlanganiso Yama Khristu Ikhuthaza Abalandeli Bokholo Lolu Ukuba Babhalisele Ukuvota


Annastacia Ndlovu

Inhlanganiso yamabandla okholo lweSiKhristu eye Christian Alliance in Zimbabwe isisungule uhlelo lokukhankasela amakholwa ukuba ayebhalisela ukuvota phansi kohlelo lweBiometric Voter Registration (BVR) baphinde bavote njalo ngoba inani labo lilikhulu elizweni.

Inhlanganiso yeChristian Alliance ithi kusungulwe uhlelo lolu ngoba benanzelela ukuba manengi amakolwa angabhaliselanga ukuvota.

UMqondisi weChristian Alliance, uMfundisi Useni Sibanda, ukhathaze abantu ukuba baphange benze lokhu ngoba kusavuliwe kukhomishini yeZimbabwe Electoral Commission njalo loluhlelo alukho koBulawayo kuphela ngoba ensukwini ezedluleyo bebese Hwange.

NgoLwesithathu inhlanganiso le incedisa abantu ukuba bayebhalisela ukuvota eTshelanyemba eKezi njalo bakhangelele ukubhoda ilizwe lonke bekhuthaza abantu ukubhalisela ukuvota.

Ilunga lebandla leMDC-T, uNkosazana Hellen Mpofu omunye wabahamba befundisa lokukhankasela ukuba abantu bayebhalisa, ukhuthaze abakukhefu ababengenelisanga ukubhalisa ukuba benze njalo.

Ilizwe leZimbabwe liphakathi kokubhalisela abantu ukuyavota ngaphansi kohlelo lweBVR oluqale ngoMfumfu ngomnyaka odluleyo njalo lokhe luqhubekela phambili luzakuma ngemva kwesimemezelo sikaMongameli Emmerson Mnangagwa sosuku lokhetho.

Inengi labantu liyehluleka ukubhalisela ukhetho oluzayo ngoba inengi labantu alila nwcadi zokuzalwa kumbe izithupha.

Udaba Esilethulelwe NguAnnastacia Ndlovu
please wait

No media source currently available

0:00 0:02:52 0:00

Facebook Forum

XS
SM
MD
LG