amalinks wokungena

Breaking News

UGeneral Colin Powell Owakewakhokhela Uhlangothi Lukahulumende Olubona Ngokudlelana Lamanye Amazwe Kasekho


Umuyi uColin Powell
Umuyi uColin Powell

Owayengumphathintambo wohlangothi lukahulumende wakwele Melika olubona ngokudlelana lamanye amazwe, uGeneral Colin Powell, kasekho.

Umdeni wakhe wethule umbiko enkundleni yokuxhumana eyeFacebook othi uPowell ubulewe ngokuhambelana lomkhuhlane weCOVID-19.

UPowell wabangumuntu wakuqala onsundu ukuba akhokhele uhlangothi olubona ngokudlelana lamanye amazwe.

UPowell wakhokhela uhlangothi lolu kusukela ngomnyaka ka2001 kusiyafika umnyaka ka2005 esebenza phansi kukahulumende kaMongameli George W. Bush.

Wake waphatha njalo uhlangothi lwebutho olwePentagon ephansi kuka Mongameli George H. W. Bush.

Wake wethula kuphephandaba leNew York Times umbono wakhe ngokwenzakala eZimbabwe okwacaphula towayengumongameli, umuyi uRobert Mugabe, leziye iziphathamandla zikahulumende.

Wathi uhulumende kaMugabe wayekhahlameza ilungelo loluntu njalo wayesehluleka ukubusa abantu ngemfanelo.

UPowell wathi kwakugcono ukuba kube lohulumende omutsha kwele Zimbabwe ngoba okaMugabe wayenguhulumende wezigilamkhuba, amasela lezidlova.

UMugabe labanye bakhe baphendula besithi ungumuntu okhonza abamhlophe ngakho-ke kumele azinuke amakhwapha.

UMnu. Mnu. Den Moyo, olandela ezombusazwe ekwele Melika, uthi uPowell ubeyindoda emadodeni.

Ingxoxo Esiyenze LoMnu. Den Moyo
please wait

No media source currently available

0:00 0:01:59 0:00


XS
SM
MD
LG