amalinks wokungena

Breaking News

Committee to Protect Journalists: Sicela uCyril Ramaphosa Atshele uMnangagwa Akhulule uHopewell Chin'ono


UMnu. Hopewell Chin'ono lomkhokheli webandla leTransform Zimbabwe, uMnu. Jacob Ngarivhume, bengakangeni emthethwandaba. (Thomas Chiripasi)

Inhlanganiso yentathelizindaba eyeCommittee to Protect Journalists (CPJ) isicele, uMnu. Cyril Ramaphosa, umgcinisihlalo wenhlanganiso yeAfrican Union ukuthi akhulume leziphathamandla zakwele Zimbabwe ukuba zikhulule uMnu. Hopewell Chin’ono ozamiswa emthethwandaba ngoLwesihlanu esetheswa icala lokukhuthaza udlakela eZimbabwe.

Inhlanganiso le ilobele uRamaphosa incwadi isithi uChin’ono, olensukwana evalewe eRemand Prison, kumele akhululwe ngoba kubi kakhulu okwenziwa nguhulumende kaMongameli Emmerson Mnangagwa, okukhanya esephula amalungelo entathelizindaba.

ICPJ ithi kuleziqondiso zemithetho yezwekazi leAfrica evimba ukubotshwa kwentathelizindaba.

Ithi kuyamangalisa ukuthi uChin’ono ubotshwe ngesikhathi esanda kwethula udaba lokuthi uhulumende walobelana isivumelwano lenkampani yeDrax International esokuthenga impahla yokunqabela ukumemetheka komkhuhlane weCOVID-19, ebiza izigidi ezingamatshumi ayisithupha zamadola - $60 million kungalandelwanga imithetho yelizwe.

Inkampani le kubikwa ukuba yayidlelana lemuli kaMnangagwa. Kodwa uhulumende uthi kungamanga lokhu.

ICPJ ithi akumelanga intathelizindaba zibotshwe ngoba ziqakathekile kakhulu ekwethuleni imibiko etshiyeneyo sonke isikhathi, ikakhulu okwamanje ngesikhathi kumemetheka umkhuhlane weCOVID-19.

Kasenelisanga ukuxoxa ngodaba lolu leziphathamandla zikahulumende ebezingaphenduli imibiko esizithumele yona njalo labomakhalekhukhwini.

Facebook Forum

XS
SM
MD
LG