amalinks wokungena

Breaking News

Uhlelo lweCommunity Solutions Luletha Izizalwane zeZimbabwe eMelika


Izizalwane zeZimbabwe ezine ezize eMelika phansi kohlelo lokuthuthukisa uzulu – olwe Community Solutions, zithi zikhangelele ukuthi lapho sezibuyela ekhaya ziyesebenzisa ulwazi ezilutholileyo ukuqhuba inhlelo ezithakazelelwa ngabantu makhaza zokuzithuthukisa.

Umnu. Thomas Sithole, omunye wabakuhlelo lolu olusekelwa lugatsha lukahulumende olubona ngobudlelwano beMelika lamanye amazwe womhlaba olwe U.S State Department lumanyene lenhlanganiso yeInternational Research and Exhanges Board (IREX), uthi okwamanje basabalele endaweni ezitsheyeneyo zeMelika lapho abasebenza khona lenhlanganiso ezitshiyeneyo.

USiithole uthi kunengi asebekufundileyo lokhe beze kwele Melika okunjengo kuthuthukisa inotho kazulu kusetshenziswa abantu bonke esigabeni esithize.

Uthi lokhu kwenzakala kwele Melika lapho ezinye inhlanganiso ezizimele zodwa ezisebenzisa abantu abalutshwana abaholayo kulabanye abanengi okwamagama abangaholiyo okuthiwa ngama volunteers.

Abanye abakuhlelo lolu abavela eZimbabwe nguNyaradzo Mashayamombe, Xolile Ncube lo Agnes Kwenda labavela kwamanye amazwe abangamatshumi ayisithupha lambili - 62.
please wait

No media source currently available

0:00 0:02:29 0:00
Lapho esitholakala khona
XS
SM
MD
LG