amalinks wokungena

Breaking News

‘Ukuguqulwa Kwesisekelo Sombuso Kuzakwenza Umongameli Abenguntando Kayiphikiswa’


Constitutional Amendment (Albert Ncube)

Izakhamizi zeGwanda ziveza imibono etshiyeneyo ngodaba lokuguqulwa kwesisekelo sombuso olweConstitutional Amendment Bill 2, lapho kuqhutshwa umhlangano wokudinga imibono kazulu kulelodolobho ngoLwesithathu.

Abanye abantu abangene umhlangano obuhlaziya imizamo yokuguqula isisekelo sombuso phansi kwalokhu okuthiwa ngama Constitutional Amendments (Albert Ncube)
Abanye abantu abangene umhlangano obuhlaziya imizamo yokuguqula isisekelo sombuso phansi kwalokhu okuthiwa ngama Constitutional Amendments (Albert Ncube)

Izakhamizi ezingene umhlangano lo eGwanda, ngamaqembu ukuze kwenqatshelwe ukumemetheka kwegciwane leCoronavirus bezingavumelani lenguquko edinga ukwenziwa kusisekelo sombuso welizwe ezinye zisithi kuqondile ukuthi yenziwe kodwa ezinye zisala.

Abangafuni linguquko bathi lokhu kuzadala ukuthi umongameli welizwe abelamandla amanengi kakhulu.

Linguquko inika umongameli welizwe amandla okuzikhethela abasekeli bakhe, Kanye lamalunga edale lephalamende abangangena kukhetho. Ngaphandle kwalokhu kudingwa njalo indlela yokwengeza inani labasakhulayo labesifazana edale lephalamende.

Abangene umhlangano wokuhlolisisa ukuguqulwa kwwesisekelo sombuso. (Albert Ncube)
Abangene umhlangano wokuhlolisisa ukuguqulwa kwwesisekelo sombuso. (Albert Ncube)

UMnu. Dingilizwe Malinga Ndlovu uthi akukadingakali ukuthi lesisisekelo sombuso esikhona siguqulwe.

"Sesisihle sifaka isigamba ebhulugweni elitsha njani, asisebenzeni ngendala ,asingayi amendini iConstitution ngoba it seems it wants to suit one person than ama Zimbabweans, lets put people first not politicians first, lina nxa sili seconder to parliament kumele lisizwe ama views ethu lisizwe ukuthi sithini we are saying no to this Constitutional Amendment."

Okusekelwe nguNkosikazi Emelda Mgambe othi uhulumende kusamele aqale alandele umthetho okhona hatshi ukuthi agijimele ukuguqula izinto.

"Kukhanya ukhona obengekho iConstitution le isenziwa osefuna kumusuthe yena akufunayo kodwa ungakhangela konke okukuConstitution leyi okunengi akuka yenziwa nje nge PC sayenza ama elections last time bafakwa abantu kuPC but lakathesi abazange ba Sworn-in ukuthi basebenze kathesi sokumele kutshintshwe futhi.”

Basemhlanganweni eGwanda ... (Albert Ncube)
Basemhlanganweni eGwanda ... (Albert Ncube)

Kodwa abanye abafana loMnu. Rido Mpofu bathi kuqondile ukuthi kuguqulwe isisekelo sombuso lesi ngoba kukhona okungaqondanga.

"Nxa ngingupresident angisoze ngayakhethelwa nguwe ukuthi uVice wakho nguwuphi no kufanele ngithi uVice wami nangu ukuze ngibone ukuthi ngisebenza njani to govern this country angisoze ngipho nguphathelwa umthetshelwa kuthwe nangu umuntu busa laye no I can't."

UMnu. Nkosikhona Dube ongumfundisi uthi loba besamukela ukunanzelelwa kwabatsha labomama kulinguquko sokuyisikhathi sokuthi labo bangene kwezombusazwe.

"Konke siyakuzwa amayouth ayakhangelwa kukhangelwe omama kanti ama Church sizaze sikukhangele nini ukuthi kanti kuzangena nini abafundisi eparliament , bake labo bayefaka ilizwi on behalf of the people of Zimbabwe representing God, labafundisis siyabafuna parliament singababizi kuphela sekulemfa sekuleNational prayer."

Abanye abafana loMnu. Ndaniso Mpande bakhale ngokuncindezelwa ukuza kulumhlangano kulandelwa ukuvalwa kwemigwaqo engena edolobheni ngabebutho lamapholisa.

"Sithe singing kuLevel 2 lapha eGwanda asizange saba leproblem yama roadblock kodwa lamella kuzokhulunywa indaba eqakathekileyo sesileproblem yama road, abantu baffle nzima la, abanye bahambe ngeganga abanye bahambe besamabootini abanye abavuke ekusenui abanye bafohlile ukuze bezofika khona asikwazi ukuthi kubangelwe yini."

Umngcinisihlalo wekomidi yephalamende ebona ngokubunjwa kwemithetho, uMnu. Misheck Mataranyika, uthi imbono kazulu le izasetshenziswa ekuphumeni lesinqumo esiqondileyo ngaloludaba.

Facebook Forum

XS
SM
MD
LG