amalinks wokungena

Breaking News

Umemetheka Okwethusayo Umkhuhlane weCoronavirus eZimbabwe


FILE: Abathenga bethengisa impahla bathi bathwele nzima eZimbabwe.
FILE: Abathenga bethengisa impahla bathi bathwele nzima eZimbabwe.

Uhlangothi lwezempilakahle eZimbabwe lubika ukuthi sokulabantu abafika phose amakhulu amathathu – 279 asebetholakale belegciwane leCoronarivus COVID-19.

Luthi abangamatshumi amathathu lantathu – 33 sebesilile. Lokhu bebane abantu ababulawa ngumkhuhlane weCOVID-19.

Abantu asebehlolwe umkhuhlane lo bedlula inkulungwane ezingamatshumi amahlanu – 52,725.

Kusenjalo, isibhedlela seJohns Hopkins University sibika ukuthi sebefika phose izigidi eziyisikhombisa – 6,914,000 abantu asebetholakale belomkhuhlane weCOVID-19 emhlabeni wonke jikelele.

Kunani leli, sokubhubhe abedlula inkulungwane ezingamakhulu amane - 400,235. Kulabedlula izigidi ezintathu asebesilile.

Kwele Zimbabwe umkhuhlane lo umemetheka kakhulu endaweni okuvalelwe abavela kwamanye amazwe abasebehlupheka kwele South Africa, Botswana, Zambia lamanye.

Bayakhala abantu laba abahlala emakolitshini kahulumende lezinye indawo abagcinwe khona kusenzelwa ukuthi bangamemethekisi umkhuhlane weCoronavirus. Banengi kakhulu abahlala kulezo ndawo abangela mkhuhlane lo.

Obona ngezempilakahle, uNkosikazi Siphiwe Sithole, odabuka eZimbabwe osebenza eSt. Vincent University Hospital kwele Ireland, uthi kumele bagcinwe ngemfanelo abantu abavalelwe endaweni ezitshiyeneyo.

Uhulumende uthi uyazama ngamandla wonke ukugcina abantu abavalelwe endaweni ezitshiyeneyo abavela kwamanye amazwe. Banengi ababaleka endaweni lezi besesaba ukuthi bangathelelwa umkhuhlane weCOVID-19.

Udaba Esilethulelwe NguGibbs Dube
please wait

No media source currently available

0:00 0:04:44 0:00


XS
SM
MD
LG