amalinks wokungena

Breaking News

USikhwicamfundo Solwayo Ngwenya Uthi Uhulumende Uzahlolisisa Ijekiseni yeCOVID-19 Ingakasetshenziswa eZimbabwe


USikhwicamfundo Solwayo Ngwenya, umqondisi wenhlelo zonke eMpilo Hospital, uthi ijekiseni yokunqunda igciwane leCOVID-19 ezahlatshwa abantu eZimbabwe izahlolisiswa nguhulumende ingakasetshenziswa.

UNgwenya utshele umsakazo weStudio 7 ukuthi lokhu kwenzelwa ukuba abantu bavikelwe kujekiseni le nxa ilakho ukungasebenzi ngemfanelo.

Uthi kumele ijekiseni le ihlatshwe ngasebekhulile, abalemikhuhlane engapheliyo labanye abangabanjwa yiCOVID-19 okwedlula abantu abangelamikhuhlane.

Uthi akumangalisi ukuba abongi labodokotela babanjwa ngumkhuhlane weCOVID-19 njengoba behlala labantu endaweni ezitshiyeneyo.

Uthi okunye okwenza umemetheke umkhuhlane weCoronavirus yindlela okugcwatshwa ngayo abantu ababuthana emizini etshiyeneyo ezililweni lemangcwabeni.
UNgwenya uthi kumele kube lendlela etshiyene lalokhu okwenzakala khonamanje ukwenzela ukunqabela ukumemetheka kwegciwane leCOVID-19.

Uthi okwamanje umemetheka lula umkhuhlane lo ngenxa yalowo obamba abantu ngesiphangiphangi oqhamuke kwele South Africa lamanye amazwe.

Solwayo Ngwenya: Lihlasela Okumangalisayo Igciwane Elitsha leCOVID-19
please wait

No media source currently available

0:00 0:03:50 0:00


Facebook Forum

XS
SM
MD
LG