amalinks wokungena

Breaking News

Liyamemetheka Igciwane leCOVID-19 eZimbabwe


FILE - Uhlolwa umkhuhlane weCOVID-19

Uhlangothi lukahulumende olubona ngezempilakahle eZimbabwe lubika ukuthi kulabantu abedlula inkulungwane – 1,089 asebehlolwe batholakala belegciwane leCoronavirus COVID-19 elizweni.

Luthi phakathi kwenani leli, kulabafika phose amakhulu amane – 395 asebephephe kumkhuhlane lo kuthi njalo abangamatshumi amabili – 20 babhubha.

Uhlangothi lolu luthi kulabantu abafika phose inkulungwane ezilikhulu – 95,860 abesehlolwe umkhuhlane weCOVID-19.

Odokotela bathi kumele abantu bezivikele kumkhuhlane lo ngokuhlala behlanzekile sonke isikhathi, ukungahambi okulabantu abanengi lokunye okutshiyeneyo.

UDokotela Solwayo Ngwenya, obona ngenhlelo ezitshiyeneyo eMpilo Hospital, uthi kuqakathekile ukuthi abantu bangahambahambi njalo behlale behlanzekile.

Kodwa abantu abanengi bathi akwenzakali ukuthi bahlale ezindlini sonke isikhathi ngenxa yokuthi baphelelwa yikudla.

Bathi amanzi kawatholakali emadolobheni lemaphandleni ukuze behlale behlanzekile.

Emhlabeni wonke jikelele, isibhedlela seJohns Hopkins University sibika ukuthi kulabantu abedlula izigidi ezilitshumi – 13,405,694 asebehlolwe batholakala belomkhuhlane lo.

Phakathi kwenani leli, abafika phose inkulungwane ezingamakhulu ayisithupha – 580,552 sebabhubha. Bakhona njalo abaphepha kumkhuhlane lo.

Kwele Melika, sebesedlula izigidi ezintathu abahlolwa batholakala bele COVID-19. Sokubhubhe abafika phose inkulungwane ezilitshumi lamakhulu amane – 136,940 abatshonayo.

Facebook Forum

XS
SM
MD
LG