Isibhedlela seThorngroove koBulawayo sikhangelelwe ukuthi sibe sesiphelile ukulungiswa ngeviki ezayo njalo uzulu ukhathazekile ngokusweleka kwendawo zokuhlolwa umkhuhlane weCoronavirus lokuphuza kokubekwa komuntu obulewe yiCOVID-19.
UMnu. Patrick Ncube, okhangela ngezempilakahle ekhansilini yakoBulawayo, uthi, “Amarenovations aseqalisile khathesi sesiplasta amapartion esesiwenzile, Ukurenovator it should be over by next week.’’
Mayelana lokubekwa komuntu obulewe ngumkhuhlane weCOVID-19, uDokotela Ncube uthi benza amalungiselelo okuthi umzimba wakhe utshiswe ngukhansili.
“Sibe lobaba obegula ekwesinye isibhedlela koBulawayo, kwasokuthathwa amasampuli kwatholakala ukuthi ubelomkhuhlane weCOVID- 19. So, kutsho ukuthi njengemkhuhlane yonke ethelelwanayo sesizathi umzimba wakhe siwugcine njenge khansili, imuli yakhe ibifisa ukuthi atshiswe ngakho sesisenza amalungiselelo okuthi atshiswe ubaba lowo.”
NgoLwesine, uNcube wenqabe ukuphendula imbuzo yeStudio 7 eyokuzwisisa kabanzi ngamanyathelo asethethwe okulungiswa kwesibhedlela ethi uhulumende kabavumeli ukukhuluma bengaphiwanga mvumo.
Kusenjalo, uzulu ukhathazekile ngokusweleka kwendawo ezihlolwa umkhuhlane weCOVID-19 koBulawayo ikakhulu ngemva kokubulawa komuntu oyedwa yileli gcikwane.
UMnu. Mike Ndiweni, umqondisi weBulawayo Vendors and Traders Association, uthi kuyethusa ukuthi sekufe umuntu ngapha abantu lokhe bebonakala bebuthene.
“Ukutshona kwabantu ngegcikwane leli ikakhulu khonapha koBulawayo yindaba elusizi kakhulu yindaba esiyethusile njengabantu, njengoba ulisazi ukuthi abantu batshona bebuthene bengenzi lokhu okuthiwa yisocial distancing. Kutsho ukuthi abanengi bengawubamba lowu mkhuhlane and kubelusisi ukuthi silahlekelwe zimpilo zabantu sitsho ukuthi ukula muntu ongaphepha yikho ke thina sithi ngabe uHulumende uyazama abantu kubelendlela ukuthi bengabuthani bathole usekelo oluncane ukuthi bengabuthani bathole lumkhuhlane.”
UMnu. Dumile Sibanda uthi inani eliphiwa abantu ukuthi bangaki abaselalumkhuhlane alaziwa ngoba yonke into isenzelwa ngaphandle kwedolobho.
“Asikwazi ukuthi abasipha khona kuyikho yini amafigures esiwaphiwayo ukuthi koBulawayo ngumuntu oyione osefile ngeCorona, sikukholwe njani sikubambe njani. Yonke into yenziwa eHarare kuzaze kubenini lathi sithole okungokwethu esizaba lamastastitics aqondileyo, kodwa sisela amaproper correct figures of abantu abagula lumkhuhlane asabebanjwe ngumkhuhlane lo asebedlulile ngomkhuhlane lowu asebephephile ngomkhuhlane lowu kuqakathekile.’’
UNkosikazi Sichelesile Mahlangu, olilunga ledale lephalamende emele isigaba sePumula, uthi koBulawayo akukabi lendawo esilungele ukonga abalomkhuhlane weCOVID-19.
‘‘Lanamuhla koBulawayo akukabi le preparedness ukutshengisela ukuthi nxa kungaqhamuka umkhuhlane wecovid 19 ukhona umuntu ongelatshwa ongasizakala, ukhona umuntu ongacatshangelwa ukuthi ulawo eyenze itest ngoba akula equipment asiyibonanga iequipment yakhona kumbe kusiya phela iviki iyabe isikhona angilaqiniso lakho. Ngithemba kuzakwenzakala njalo ngoba siyezwa ukuthi koBulawayo COVID-19 isingenile.’’
UMnu. Butho Tshabalala esinye njalo isakhamuzi sakoBulawayo uthi lesi simo zimenza abelokwesaba.
“Njengesakhamuzi sakoBulawayo angifeel safe kuleligcikwane lecorona ngoba kungela zibhedlela eziqondileyo kahlekahle sokulapha laba abangabe betholakale belomkhuhlane weCovid 19.Ngiphinde ngithi akula amatesting kits esingawasebenzisa sihlole ukuthi kahle kahle laba ababuye bepresenter am symptoms la egcikwane leli kumbengabagula omunye umkhuhlane nje.Bengicela ukuthi uHulumende ma ingayenza isheshe kakhulu iprovider izibhedlela lezi ngamatesting kits or kube lendawo yokuthi laba abagula ngomkhuhlane lowu bahlaliswe khona bethola ukulatshwa.”
Uzulu wakoBulawayo uthi isikhathi okwahlatshwa khona umkhosi ngomkhuhlane lo, kumele ukuthi kube sokukhona okubambekayo osokwenziwe ukuvikela abantu baleli dolobho kodwa yonke into ilokhe ingakaphutshi isilo seCOVID-19 sesize safika kuleli dolobho nanku lumkhuhlane uzewathatha umuntu oyedwa engxenye vele banengi asebebulewe yiwo loba asebelalo igcikwane kodwa bengakahlolwa.
