amalinks wokungena

Breaking News

Bathithibele Abantu Ngokumemetheka Komkhuhlane weCoronavirus eZimbabwe


FILE - Banengi abantu abadinga ukudla ngesikhathi abanengi sebehlolwe batholakala belomkhuhlane weCOVID-19.

Umemetheka okwethusayo umkhuhlane weCoronavirus eZimbabwe okulabantu abedlula amakhulu ayisikhombisa - 716 abesehlolwe batholakala belomkhuhlane lo kusukela ngoMbimbitho lonyaka.

Uhlangothi lwezempilakahle luthi kulabantu abafika phose amatshumi amabili - 18 abahlolwe ngeSonto batholakala belomkhuhlane lo.

Kusukela ngesikhathi kuqhakuka iCOVOD-19 eZimbabwe, sokulabantu abafika phose amakhulu amabili- 181 asebesila. Abayisificaminwe mibili - 8 babhubha. Sokwahlolwa abedlula inkulungwane ezingamatshumi ayisificaminwe mibili - 80,089 eZimbabwe.

Emhlabeni wonke jikelele, isibhedlela seJohns Hopkins University sibika ukuthi kulabantu abedlula izigidi ezilitshumi lanye - 11 million abahlolwa batholakala belomkhuhlane weCOVID-19 emhlabeni wonke jikelele.

Bathithibele abantu ngokumemetheka komkhuhlane weCOVID-19 eZimbabwe. Omunye wabethuswa ngumkhuhlane lo nguMnu. Ansa Malinga ohlala Eziqalabeni eLupane.

UMnu. Simayedwa Manyenyeza ukusimo esifanayo loMnu. Robert Sibanda.

Ukumemetheka komkhuhlane weCOVID-19 kwethusa izakhamizi eDaluka eLupane, okuhlala uMnu. Moven Ngwenya.
UMnu. Aleck Nyathi laye uthi uzivikela ngedlela ezinengi kumkhuhlane lo.
UDokotela Xolisani Ndlovu, osebenza eMpilo Hospital, uthi kumele abantu bazivikele sonke isikhathi ngoba uyingozi umkhuhlane weCOVID-19.

Abantu ababengi abatholakala belomkhuhlane lo ngabavele emazweni atshiyeneyo ababuyela ekhaya.

Umkhuhlane weCOVID-19 Uthwalise Nzima Abantu eZimbabwe
please wait

No media source currently available

0:00 0:06:04 0:00


Facebook Forum

XS
SM
MD
LG