amalinks wokungena

Breaking News

Limemetheka Okwethusayo Igciwane leCOVID-19 Odokotela Bekhala Ngokwenziwa Ngabantu eZimbabwe


Liyamemetheka igciwane leCOVID-19 eZimbabwe. (AP Photo/Tsvangirayi Mukwazhi)

Uhlangothi lwezempilakahle luthi sokulabantu abafika phose amakhulu amahlanu – 489 abahlolwe eZimbabwe batholakala balegciwane leCoronavirus COVID-19.

Ugatsha lolu luthi kulabantu abangamatshumi ayisithupha lane – 64 asebesilile.

Phakathi kwenani labasanda kutholakala belimkhuhlane lo, abanengi ngabaphenduke ekhaya bevela kwele South Africa. Omunye wabo uvele kwele Portugal.

Sokulabantu abayisithupha asebebulewe ngumkhuhlane lo osubambe abantu abafika phose izigidi ezilitshumi – 8,816.000.

Isibhedlela seJohns Hopkins University sibika ukuthi kulabantu abafika phose inkulungwane ezingamakhulu amahlanu – 466,883.

Uyamemetheka njalo umkhuhlane weCOVID-19 kwele Melika osokubhubhe abantu abafika inkulungwane ezilikhulu lamatshumi amabili – 119,719.

Odokotela bakhuthaza ukuthi abantu balandele iziqondiso zokuzivikela kumkhuhlane lo omemetheka kakhulu nxa abantu behlangana endaweni eziminyeneyo.

Bathi kumele abantu bagqoke ama masks, bageze izandla njalo bengabambi amakhala.

UDokotela Solwayo Ngwenya, umqondiso wenhlelo ezitshiyeneyo eMpilo Hospital, uthi lizakhuphuka kakhulu inani labantu abalomkhuhlane weCOVID-19 nxa uzulu engalandeli okukhulunywa ngabezempilakahle.

UDokotela Solwayo Ngwenya Ukhuluma Ngomkhuhlane weCOVID-19
please wait

No media source currently available

0:00 0:01:38 0:00


Facebook Forum

XS
SM
MD
LG