amalinks wokungena

Breaking News

Kumele Kwenziweni Kulandela Ukuvinjwa Kwabantu Ngamasotsha Ukuthi Batshengisele Emigwaqweni?


Abanye ababotshwe kuthiwa bebetshotshozela abanye ukuthi batshengisele emigwaqweni ngoLwesihlanu.

Abantu abanengi bachothoza okwenziwe ngabezomvikela eZimbabwe ngesikhathi kumele betshengisele emigwaqweni ngoLwesihlanu bekhonona ngobukhohlakali lokunye okubahluphayo.

Bathi loba bevinjwe ngamasotsha lamapholisa ukuthi bengatshengiseli, kumele abantu babambane bezikhulule. Omunye wabalombono lo nguMnu. Paul Ndlovu.

UMnu. Peter Ngwenya uthi kumele uhulumende alalele izikhalazo zabantu.

Kulabanye njalo abathi kumele abavotela ibandla elibusayo balisuse embusweni. UNkosikazi Ngangezwe Khumalo, uthi yen kangeni ndawo kulokhu.

UNkosazana Carolyn Moyo uthi ibutho yilo elibusayo eZimbabwe.

Kulabanye njalo abanjengo Mnu. Cassius Jays Simana Mpofu abathi okuhluphayo yikuthi abakhokheli bamabandla aphikisayo bayacatsha nxa uzulu etshengisela emigwaqweni.

UMnu. Joseph Tshuma, okudale leCentral Committee kubandla leZanu PF, uthi abantu kumele bakhulumisana ngokwenzakala eZimbabwe.

Kulabanye abathi kuzathatha isikhathi eside ukuthi kulungiswe ezombangazwe, ezenotho lokunye eZimbabwe ngenxa yokuthi ilizwe libuswa ngamasotsha.

Abantu Bakhuthazwa Ukuthi Baqhubekela Phambili Belwisana Lobukhohlakali
please wait

No media source currently available

0:00 0:04:33 0:00


Facebook Forum

XS
SM
MD
LG