amalinks wokungena

Breaking News

Abantu Bethuswa Yikuvulwa Kwezikolo Ngesikhathi Kulabanye Abatholakala Belegciwane leCOVID-19


FILE: A woman has a sample collected for coronavirus testing during the screening and testing campaign aimed to combat the spread of COVID-19, in Eldorado Park outside of Johannesburg, South Africa, Aug. 3, 2020.

Kulabantu abedlula amatshumi amabili – 36 abahlolwe ensukwini ezimbili ezedluleyo abatholakala belegciwane le-COVID-19 eZimbabwe ngesikhathi kulungiselelwa ukuvulwa kwezikolo.

Uhlangothi lwezempilakahle luthi lokhu kutsho ukutho sokulabantu abedlula inkulungwane eziyisikhombisa lamakhulu ayisithupha – 7,683 abahlolwa batholakala bele COVID-19 elizweni kusukela ngoMbimbitho lonyaka.

Phakathi kwenani leli sokwabhubha abedlula amakhulu angamatshumi amabili – 225 kwaphepha abafika phose inkulungwane eziyisithupha – 5,924.

Kusenjalo, abazali abalabantwana abafunda ezikolo ezitshiyeneyo bathi kubalaqiniso lokuthi kwenzakalani ezikolo ngesikhathi kulungiselelwa ukuvulwa kwazo.

Kukhangelelwe ukuthi izikolo zizavulwa ngeviki ezayo kulandela ukuvalwa kwazo ngenxa yomkhuhlane weCOVID-19.

Abantwana abazaqala ukuya ezikolo yilabo abazaloba imihloliso etshiyeneyo ekupheleni komnyaka. Abazali bathi akukhanyi kahle ukuthi izikolo zilungiselele kanganani abantwana lababalisi.

UNkosikazi Lydia Maphosa, ohlala ePlumtree, uthi akwaziwa ukuthi abantwana bazafunda njani kwezinye izikolo ezazisetshenziswa njengama quarantine centers.

“Ngiyazibuza ukuthi njengalapha ePlumtree mina lapha engikhona, izikolo esilazo lapha, bekuhlala abantu laba ababuya bevela emazweni aphandle. Kuyi quarantine, begcinwe khonaphana. Ukuthi, asikwazi ngoba izindaba ekade sizibona enyuzini bekuthiwa abantu ababanjwe bele COVID-19 kuyabe kufakwa ukuthi abavela phandle kwelizwe bangaka. Abavele eBotswana bebefikela khonalapha. Siyakwazi ukuthi phakathi kwabo bona labo abavele eBotswana, bakhona ababanjiweyo.”

UNkosikazi Maphosa uthi akwaziwa njalo ukuthi abantwaba lababalisi bavikeleke kanganani kumkhuhlane weCOVID-19.

Isakhamuzi seRugare eHarare, uMnu. Joseph Sibanda, uthi bazazama ukubonisana labantwana babo kwezokuzivikela kumkhuhlane weCOVID-19.

Abanye bathi kuzakubanzima ukuthi kulandelwe iziqondiso zokuvikela abantu kumkhuhlane weCOVID-19 ezikolo. Omunye wabalombono lo nguMnu. James Masuku, ohlala eMutorashanga.

UMasuku uthi akucaci ukuthi uhulumende uzavikela njani abantwana lezifundi kumkhuhlane weCOVID-19.

Uhulumende uthi uzakwenza konke okusemendleni akhe ukuze abantwana lababalisi kanye labazali bavikelwe kumkhuhlane weCOVID-19.

Emhlabeni wonke jikelele, isibhedlela seJohns Hopkins University sibika ukuthi kulabantu abedlula izigidi ezingamatshumi amathathu – 30 million asebehlolwe batholakala bele coronavirus.

Kuzakwenziwani Ezikolo Ngesikhathi Umemetheka Umkhuhlane weCOVID-19
please wait

No media source currently available

0:00 0:02:38 0:00


Facebook Forum

XS
SM
MD
LG