amalinks wokungena

Breaking News

Abantu Abanengi Sebelolwazi Lokuzivikela Kumkhuhlane weCOVID-19


FILE - Abantu abafundiswa ngamajekiseni okunqabela ukumemetheka kwegciwane leCOVID-19. (REUTERS/Siphiwe Sibeko)

Abantu abanengi sebelolwazi olujulileyo ngomkhuhlane weCOVID-19 owaqhamuka edolobheni leWuhan kwele China ekupheleni komnyaka ka2019, wamemetheka emhlabeni wonke jikelele.

NgoLwesine kugqhitshwa umnyaka selokhu inhlanganiso ebona ngezempilakahle eyeWorld Health Organization yethula isinqumo sokuthi iCOVID-19 ngumkhuhlane owesabekayo ozamemetheka emhlabeni wonke jikelele.

Kukhanya engani abantu abanengi eZimbabwe lakwamanye amazwe sebezazi indlela zokuzivikela kumkhuhlane lo loba kulemigoqo eminengi eyokwenza lokhu.

UMnu. Ambrose Sibindi, okunhlanganiso yezakhamizi eyeBulawayo Progressive Residents’ Association, uthi sebelandela iziqondiso zohlelo lokuvimba ukumemetheka kwegciwane leCOVID-19.

UMfundisi Raphael Mthombeni, ohlala eDallas Texas eMelika, uthi abantu bayalandela iziqondiso zokuvikela uzulu ukuba engathaphi umkhuhlane weCOVID-19 loba kulabanye abangafuni ukuvala amakhala nxa besendaweni ezigcwala uzulu. Uthi umkhuhlane lo kawukhethi mhlobo.

Sokuhluzwe amajekiseni atshiyeneyo agoqela eyePfizer, Astrazeneca, Sinopharm, Mordena, Sputnik lamanye ukwenzela ukuvimba ukumemetheka kwegciwane leCOVID-19. UMnu. Bekithemba Khuthe, ohlala eNtabazinduna, uthi kalaqiniso lejekiseni yeSinopharm ayehluzwa kwele China yanikwa eleZimbabwe.

Kodwa uNkosikazi Nokuthula Sibanda, ohlala eTsholotsho, uthi kumele abantu behlatshwe amajekiseni okuvimba ukumemetheka kwegciwane leCOVID-19.

UDokotela Ruth Labode, okukhomithi yezempilakahle edale lephalamende, uthi aqakathekile amajekiseni okuvimba iCOVID-19.

Lokhu kusekelwa nguSikhwicamfundo Solwayo Ngwenya, osebenza eMpilo Hospital.

Isibhedlela seJohns Hopkins University sibika ukuba sokulabantu abedlula izigidi ezilikhulu – 117 million asebehlolwe batholakala bele COVID-19 kwabhubha abedlula izigidi ezimbili lengxenye – 2,6 million.

Facebook Forum

XS
SM
MD
LG