amalinks wokungena

Breaking News

UChiwenga Uhlatshwa Ijekiseni Yesibii yeSinopharm


FILE: UMnu. Constantino Chiwenga ehlatshwa ijekiseni yeCOVID-19 ngoNhlolanja.

Umsekeli kamongameli wakwele Zimbabwe, uMnu. Constantino Chiwenga, uhlatshwe ijekiseni yesibili yeSinopharm ngoLwesine phansi kohlelo lokujova abantu ukwenzela ukuba bengathaphi igciwane leCOVID-19.

Umsakazo osekela uhulumende, iZimbabwe Broadcasting Corporation, ubika ukuthi uChiwenga uhlatshwe ngumongi eWilkins Hospital eHarare.

UChiwenga utshele intathelizindaba ukuthi uhulumende usedinga ababesebenza kwezempilakahle, abasebenza kwezomvikela labakumakhansili abazancedisa kuhlelo lokuhlaba abantu amajekiseni owenza umzimba uzivikele kumkhuhlane weCOVID-19.

Uphinde wathi uhulumende usefundisa abantu ngokuqakatheka kwejikiseni yeSinopharm lamanye alakho ukusetshenziswa eZimbabwe. Kubikwa ukuba abanye abantu kabalithembi ngitsho lakancane ijekiseni leSinopharm besithi akwaziwa ukuthi lahluzwa njani kwele China.

Ilizwe leZimbabwe laqala uhlelo lokuhlaba abantu ijekiseni yeSinopharm ngoNhlolanja kulandela ukunikwa kwalo ijekiseni le ngele China.

Okwamanje eleZimbabwe selithola amajekiseni edlula amakhulu amane – 400,000 elawanikwa ngele China.

Sokulabantu abafika phose inkulungwane ezingamatshumi amane – 39,505 asebehlatshwe amajekiseni eSinopharm. Umkhuhlane weCOVID-19 oqhamuke eZimbabwe nyakenye usubulele abantu abedlula inkulungwane lengxenye elizweni – 1,500.

Kusenjalo, sokuqalile uhlelo lokuhlatshwa kwabantu elizweni lonke.

Umongikazi Alice Ncube uthi njengamajekiseni onke okuvikela imkhuhlane leyi ilakho ukubangela izinyalo.

“Sesizangena ku-phase two kuhlelo loku vaccinator ama front line workers. Esikunanzeleleyo yikuthi abahlaba idose yakuqala abazange babe lezinyalo lokhu esikuthi ngama side effects. Lapha sebehlaba okwesibili sebengatshengisela izinyalo kodwa lokhu kutsho ukuthi umzimba wabo usubumba amasotsha omzimba avikela igcikwane leCorona.”

Embikweni okhitshwe ngabenhlanganiso yamalungelo ezempilakahle eyeZimbabwe Association of Doctors for Human Rights, unobhala walinhlanganiso uDokotela Norman Matara ulimukisa labo abahlatshwa ijekiseni yeSinopharm ukuba bazabalezinyalo zomzimba sebehlatshwe ijekiseni yesibili.

Kodwa uchaze ukuba ukutshengisela izinyalo kuyinto enhle ngoba kuchaza ukuba umzimba uyabe usuqalile ukwakha amasotsha amanengi. Uthe njalo izinyalo ezingakhangelelwa yikuqaqamba kweziqwanga, ukutshaywa likhanda, ukudinwa, ukutshisa komzimba loba uqhuqho.

Facebook Forum

XS
SM
MD
LG