amalinks wokungena

Breaking News

Bancoma Ukuvinjwa Komcimbi Wokunanza Uzibuse Njalo Bakhonona Ngokuvinjwa Kombukiso weTrade Fair


Zimbabwe International Trade Fair.

Kulabanye abantu koBulawayo abathi kulungile okwenziwe nguhulumende kaMongameli Emmerson Mnangagwa kubekhona abathi uzabhidliza umbukiso weZimbabwe International Trade Fair kulandela ukuvinjwa kwemihlangano yabantu abedlula ikhulu ukwenzela ukunqabela ukumemetheka komkhuhlane weCoronavirus COVID-19.

Usomabhizimusi wakoBulawayo, uNkosikazi Somuhle Khumalo uthi loba kulungile ukumiswa kombukiswa weZITF, kulakho ukubhidliza umbukiso lo owenziwa kanye ngomnyaka.

Olwela amalungelo oluntu, owenhlanganiso yeIbhetshu likaZulu, uMnu. Mbuso Fuzwayo ubuka ukumiswa kokuthakazelelwa kwelanga likazibuse.

UMnu. Swithern Chirowodza, isikhulumeli sebandla leMDC elikhokhelwa nguMnu. Nelson Chamisa koBulawayo, uvumelana loMaduma.

UMnangagwa ngoMvulo uthe uhulumende wakhe sevimbe imihlangano yonke elabantu abalikhulu okunjengemitshado ukwenzela ukunqabela ukumemetheka komkhuhlane weCoronavirus.

Ngeviki edluleyo umphathintambo wezempilakahle, uDokotela Obadiah Moyo ekoBulawayo, ukhuthaze abantu ukuba baqakathekise ukusebenzisa indlela zebulenjini

ukukhulumisana emizameni yokwenqabela ukumemetheka kweCOVID-19. Okwamanje, inhlanganiso ebona ngezempilakahle emhlabeni jikelele eyeWorld Health

Organisation, ithi kakukabi lomuthi wokwelapha iCOVID-19.

Facebook Forum

XS
SM
MD
LG