amalinks wokungena

Breaking News

UJoram Gumbo Osebenza loMnangagwa Uzamiswa Enkantolo Esetheswa Icala Lenkohlakalo


Zimbabwe Corruption
Zimbabwe Corruption

Isiphathamandla sikahulumende welizwe leZimbabwe esibotshwe yikhomishini yeZimbabwe Anti-Corruption Commission izolo, sikhangelelwe ukuthi sizamiswa emthethwandaba namuhla eHarare.

UMnu. Joram Gumbo, obona ngenhlelo ezitshiyeneyo ewofisini kaMongameli Emmerson Mnangagwa, wetheswa amacala ambalwa awenkohlakalo okwenza ukuthi uhulumende alahlekelwe phose yizigidi ezine zamadola – $3.7 million.

Iziphathamandla zekhomishini yeZimbabwe Anti-Corruption Commission zithi uGumbo, obizwe ngabacuphi bayo watshelwa ukuthi uzamiswa emthethwandaba namuhla, ulakho ukuvalelwa nxa abatshutshisi bengalubeka kahle udaba lwabo emthethwandaba.

Kubikwa ukuthi uGumbo wathatha isigidi samadola kahulumende walungisa indlu kadadewabo, uMavis Gumbo, esithi kulapho okuzakuba yisigodlo senkampani yeZimbabwe Airways.

Waphinda njalo wadlelana lenkampani yokuthenga amafutha eyaphiwa umsebenzi nguhulumende ukuthi ithenge amafutha ezimota. Inkampani yeFirst Oil Company yanikwa nguhulumende phose izigidi ezintathu zamadola – $2.7 million kodwa akwaziwa okwenzakala emalini le elokhu ingakatholakali.

Abasekela ibandla elibusayo abanjengo Mnu. Believe Gaule bathi iZimbabwe Anti-Corruption isisebenza ngendlela efunwa nguMnangagwa.

UGaule uthi kukhanya engani zinengi iziphathamandla zikahulumende ezizabotshwa yikhomishini le ngenxa yenkohlakalo ememetheka eZimbabwe.

Kodwa kulabanye abantu abathi uhulumende udlala ngozulu. Omunye wabalombono lo nguMnu. Rejoice Ngwenya, ingcwethi kwezenotho ezimele yodwa.

UMnu. Greater Sibanda, umgcinisihlalo wenhlanganiso yeKing Mzilikazi Royal Trust, uthi banengi abantu abazabotshwa nguhulumende ngenxa yenkohlakalo.

Ikhomishini yeZimbabwe Anti-Corruption Commission isanda kubopha uNkosikazi Prisca Mupfumira, owayeyisiphathamandla sikahulumende esibona ngezisebenzi lenswelo zikazulu. UNkosikazi Mupfumira wetheswa amacala okuthi wacobodisa inkampani kahulumende eyeNational Social Security Authority ngokuthatha amaqubaquba emali okungekho emthethweni.

UJoram Gumbo Ukhangelelwe Ukumiswa Emthethwandaba
please wait

No media source currently available

0:00 0:04:38 0:00


XS
SM
MD
LG