amalinks wokungena

Breaking News

Ingcwethi Zidlana Ingqondo Ngemibiko Ethi Ngamanga Ukuthi Kulabazama Ukususa uMnangagwa Esikhundleni


FILE: UMongameli Emmerson Mnangagwa, umsekeli wakhe uConstantino Chiwenga lenkokheli yebutho, Harare, Zimbabwe Friday, Nov. 24, 2017.

Ezinye ingcwethi zombusazwe zithi okwethulwe luhlangothi lwezomvukela olweNational Security Council ngoLwesithathu okokuthi kulabanye abantu abacabanga ukuthi ibutho lifuna ukugenqula uMongameli Emmerson Mnangagwa, kungabe kusenzelwa ukuthi kubotshwe abaphikisa ukulumende kumbe ukwethusela abalambayo ngesikhathi ilizwe leZimbabwe liphansi kohlelo lokuvalela uzulu ezindlini olweCoronavirus COVID-19 lockdown.

Ezinye njalo ingcwethi zithi kungabe kusenzelwa ukuvimba amasotsha alambayo asecabanga ukuvukela uhulumende.

Kulabanye abathi lokhu kungabe kuyindlela yokuphambula imicabango yabantu ngodaba lokuguqulwa kwesisekelo sombuso kusenzelwa ukuthi uMnangagwa ahlale kahle esikhundleni sakhe.

Isiphathamandla sikahulumende, uMnu. Kazembe Kazembe, wethule umbiko lo eHarare esithi ngamanga imibiko eyethulwa ngabantu ebulenjini bokuxhumana ethi abezomvikela labanye abakuhulumende bafuna ukususa uMnangagwa esikhundleni.

Omunye wabalombono lo nguMnu. Pride Mkono othi lokhu kungabe kuyindlela yokwethusela abantu eZimbabwe.

“Siyakhonona kanye lokwethuswa yikukhuluma kukahulumende ukuthi eZimbabwe sokufuna ukuba le coup. Sithi ukutshontsha kanye lendlala yiyo icoup eyesabisayo hatshi lokhu abasitshela khona ukuthi amasotsha asefuna ukuthatha amandla ngodlame.”

Lokhu kusekelwa nguDokotela Nkululeko Sibanda, isikhulumeli somkhokheli webandla leMDC Alliance, uMnu. Nelson Chamisa, othi amazwi la enzelwa ukwethusela ukuzulu.

“Lokhu kuyabulala umnotho welizwe njalo kwenza amanye amazwe angabi lethemba lokuthi ilizwe leZimbbawe alingeke lizimele. Kungangcono atshiye anike umuntu onjengo President Chamisa.”

Isikhulumele sebandla leZAPU, uMnu. Iphithule Maphosa, uthi kumele uhulumende akhangele indubo ezihlupha abantu kulokudingana lokugcina umbuso.

“Akulasidingo sokuthunga isiqgoko uma singadabuka. Lokhu abakukhulumayo ukuthi besitshele ukuthi ngamanga akusqiniso ngoba ngeke benze umhlangano lentathelizindaba kungelalutho ngoba ngesikhathi sika (muyi uRobert) Mugabe benza njalo.”

Kodwa uMnu. Nixon Nyikadzino, unobhala webandla leMDC T eyancintisa kukhetho luka 2018 ikhokhelwa nguNkosikazi Khupe, uthi kunuka santungwana.

“Sibona engathi akula ntutha engela mlilo. Sibona ukuthi bengabe sebebone kahle ukuthi abantu sebediniwe. Abantu kabasenilisi ukuthi balungise izinto ezathenjiswa nguhulumende.”

Inkokheli yebutho leZimbabwe ngoLwesithathu yethule umbiko othi kulabantu abasabalalisa imibiko ethi kulecele labakubutho abafuna ukugenqula umbuso kaMnangagwa, besithi imibiko ephuma enkundleni zokuxhumana ezebulenjini be internet ingamanga njalo ijonge ukutshayisanisa abantu amakhanda.

Linkokheli iqhubeke isithi uzulu kumele aqaphele amalunga axotshwa kuZANU PF awecele leGeneration 40 lamanye amalunga aweMDC okukhanya engani aphehla umvukela eZimbabwe.

Bayakuphikisa lokhu besithi uhulumende kaMnangagwa uthwele amagabha avuzayo.

Udaba Esilethulelwe NguAnnahstacia Ndlovu
please wait

No media source currently available

0:00 0:06:27 0:00


Facebook Forum

XS
SM
MD
LG