amalinks wokungena

Breaking News

'Abanye Abantu eZimbabwe Sebesenza Engani iCOVID-19 Seyaphela'


People walk past a COVID-19 advertisement in the township of Soweto outside of Johannesburg, South Africa, July 13, 2020.

Sebesedlula amakhulu amabili – 224 abantu asebebulewe yi-COVID-19 eZimbabwe kulabanye abathi kabasalandeli iziqondiso zohlelo lwe-lockdown. Uhlangothi lwezempilakahle lubika ukuthi abantu laba ngabanye balabo abedlula inkulungwane eziyisikhombisa – 7,526 abahlolwa batholakala bele coronavirus.

Kunani leli, sebesedlula inkulungwane ezinhlanu lengxenye – 5,678 asebaphepha kumkhuhlane lo. Abantu abanengi bathi bazama ngamandla wonke ukuphandela imuli zabo ukudla lobanje bengalandeli iziqondiso zokunqabela ukumemetheka komkhuhlane weCOVID-19 eZimbabwe.

Sokulenyanga phose eziyisithupha selokhu uhulumende wafaka iziqondiso zokuvikela abantu kumkhuhlane weCOVID-19 ngokuthi bahlale ezindlini. Uhlelo lolu lwenza abanengi bengenelisi ukuziphilisa. Uhulumende usevumela abanye abantu ukuthi basebenze lobanje konke lokhu kumele kwenziwe ngonanzelelo.

Abantu abanengi bathi kunzima ukuzilandela iziqondiso lezi ngenxa yokuthi babhekane lobunzima bokudinga imali lokudla. UMnu. Ndaniso Mpande ngomunye wababhekane lohlupho lokudinga ukudla ngapha ezama ukuzivikela kumkhuhlane weCOVID-19.

“Into efuqa abantu ukuthi khona benze kanjalo, yindlala. Akuhlaleki ezindlini lapha, abantu balambile njalo abantu abanengi ngabantu abazisebenzayo. Ngithanda ukuthi ngabe uhulumende esaqinisa into ye Lockdown, ngab.e uyazamela abantu ukuthi bathola something.”
UMpande uthi ilizwe lonke nje jikelele kalisazilandeli iziqondiso zohlelo lwe-Lockdown.

“Ilizwe lonke nje sekufana, hamba ngitsho lakuma Highway uzabona abantu bayahamba, kuyatshovwa, kwenziwa lokhu lalokhuyana, amapholisa ayadizwa, amashop wonke nje avulile, akusela nje into okuthiwa yi Lockdown.”

Lokhu kusekelwa nguNkosikazi Mary Maimbo, owenhlanganiso eyeZimbabwe Chamber of Informal Economy Associations.

“Abantu khathesi bahlezi ezindlini njalo abantu balambile. Belambile kunjalo imisika yonke seyakhitshwa, lalabo akade bethengisa okusemthethweni bahlezi ezindlini, lemali lezo kade belazo, akusela. So, njenge ZCIEA inkokheli zethu zahlala phansi zasezibonisana zaseziphuma lombono wokuthi ngcono abantu laba bathengelwe amaSanitisers, ama mask lama gloves ukuthi bathole ukuziphilisa ngoba hayi, akusamanga kuhle ezindlini lapha. Abantu balambile, impilo sinzima sibili. Lobudlwangudlwangu sobukhona, ubusela, konke sekukhona ngenxa yokuthi abantu sebehlezi phansi, akusela lutho abaluyenzayo.”

Owake waba ngumphathintambo wezempilakahle ngesikhathi sikahulumende womanyano, uDokotela Henry Madzorera, uthi kunzima ukuba abantu bazilandele lezi ziqondiso elizweni ngenxa yesimo esibi somnotho.

“Akulani ukuthi kungangeniswa amapholisa amangaki kumbe amasotsha lapha emigwaqweni, kuma roadblocks ngenjongo yokulondoloza iziqondiso ze Lockdown, I Lockdown kayisoze isebenze kungekho hlangothi lwezempilakahle olusebenzayo lokunye. Kungakho sikhuthaza uhulumende ukuba akulungisise khonokho ngesiphangi phangi. ”

Uyamemetheka umkhuhlane weCOVID-19 eZimbabwe.

Abantu Sebekhathele Ngokuhlupheka Ngesikhathi Ilizwe leZimbabwe Lilwisana leCOVID-19
please wait

No media source currently available

0:00 0:02:45 0:00


Facebook Forum

XS
SM
MD
LG