amalinks wokungena

Breaking News

Zifiso Masiye: Yathwala Nzima Imuli Yami Ilomkhuhlane weCOVID-19


UMnu. Zifiso Masiye

UMnu. Zifiso Masiye, umkakhe lomntwana, abasanda kuphepha kumkhuhlane weCOVID-19, uthi bethuka kakhulu besanda kutholakala bele coronavirus nyakenye.

UMasiye uthi bahlala nzima endlini yabo koBulawayo lapho abasebephila ngokufonelana njengoba kwakungamelanga basondelelane.

Uthi basekelwa ngabantu abanengi ababebapha ukudla, imithi etshiyeneyo lokunye.

Odokotela labo babancedisa ukuba bathole amaphilisa okuzama ukulwisana legciwane leli.

UMasiye, umkhakhe lomntwana sebaphepha kumkhuhlane weCOVID-19.

Uhlangothi lwezempilakahle luthi abafika phose inkulungwane ezingamatshumi amathathu lengxenye - 36,471 sebehlolwe kusukela ngoMbimbitho nyakenye batholakala bele COVID-19 kwathi abedlula inkulungwane ezingamatshumi amathathu - 34,011 baphepha kumkhuhlane lo. Sokwabhubha abedlula kancane inkulungwane lengxenye - 1,501.

Luthi sokulabantu abafika phose inkulungwane ezingamatshumi amane asebehlatshwe ijekiseni yeSinopharm eZimbabwe.

Facebook Forum

XS
SM
MD
LG