amalinks wokungena

Breaking News

Uyamemetheka Umkhuhlane weCOVID-19 eZimbabwe


Umphathi wesikolo seJohn Tallach labamele iZimbabwe Christian Alliance labanye babuka impahla yokunceda abantwana abalomkhuhlane weCOVID-19. (Photo: Zimbabwe Christian Alliance)

Sokulabantu abafika inkulungwane phose ezilitshumi abahlolwe batholakala belomkhuhlane weCOVID-19 eZimbabwe.

Lokhu kugoqela abantwana abafika ikhulu lamatshumi amabili – 118 alomkhuhlane lo eJohn Tallach High School duzane lakoBulawayo.

Sebezinkulungwane ezedlula isificamunwemunye – 9,172 abantu asebehlolwe batholakala belegciwane leCOVID-19 eZimbabwe kusukela ngoMbimbitho lonyaka kuthi emhlabeni wonke jikelele bafika phose izigidi eziyisithupha - 58 million.

Abantu abafika phose inkulungwane eziyisificaminwemibili lengxenye - 8,235 sebaphepha kumkhuhlane lo eZimbabwe. Abedlula ikhulu lamatshumi ayisithupha – 265 sebabhubha. Okwamanje umkhuhlane lo uqhamuke eJohn Tallack High School lapho osokuvalelwe abantwana lababalisi kusenzelwa ukuba ungamemetheki umkhuhlane lo.

Inhlanganiso yabokholo lweSiKhristu eyeZimbabwe Christian Alliance isinike isikolo lesi uncedo olufana lama sanitizers, ama-gloves, amasepa, ama sanitary pads, okokugezisa indawo ezitshiyeneyo kanye lamabhakede okugeza.

Umqondisi wenhlanganiso le, uMfundisi Useni Sibanda, owethekelele isikolo lesi ngoMgqibelo, uthi bazanceda njalo langemithandazo lokunye.

Abezempilakahle labaphathi besikolo bathi lokhu bezama ngamandla wonke ukuvimba umkhuhlane lo esikolo lesi. Ukumemetheka komkuhlane lo kukhathaza abantu abanengi eZimbabwe. USikhwicamfundo Solwayo Ngwenya, osebenza eMpilo Hospital, ukhuthaza abantu ukuthi balandele indlela ezitshiyeneyo zokunqabela ukumemetheka kwegciwane leCOVID-19.

UNkosikazi Abigail Mupambi, olwela ilungelo likazulu, uyakusekela lokhu.

"ICOVID kayikadinwa, iCOVID lokhe ikhona, iCOVID lokhe ibulala njengayizolo. Kuqakathekile ukuthi njengesizwe sibone ukuthi senzanjani …”

UMnu. Ernest Ncube, ohlala koBulawayo, uthi kukhanya engani abantu kabasazilandeli kahle iziqondiso zokuvimba ukumemetheka kwegciwane leCOVID-19 ezethulwa yinhlanganiso yamazwe omhlaba wonke jikelele eyeWorld Health Organization.

Kasenelisanga ukukhuluma ngodaba lolu labaphathintambo abakuhlangothi lwezempilakahle abagoqela uDokotela Agnes Mahomva ongakaphenduli imibuzo esimthumele yona ngoLwesihlanu.

Udaba Esilethulwe nguMavis Gama
please wait

No media source currently available

0:00 0:04:00 0:00


Facebook Forum

XS
SM
MD
LG