amalinks wokungena

Breaking News

Limemetheka Ngamandla Igciwane leCOVID-19 eMatabeleland North


FILE PHOTO: Abanye abantu abafuna ukuhlatshwa ijekiseni yokuzivikela kumkhuhlane weCOVID-19. REUTERS/Philimon Bulawayo/File Photo
FILE PHOTO: Abanye abantu abafuna ukuhlatshwa ijekiseni yokuzivikela kumkhuhlane weCOVID-19. REUTERS/Philimon Bulawayo/File Photo

Igciwane leCOVID-19, elimemetheka ngamandla esabelweni seMatabeleland North lezinye indawo kwele Zimbabwe, selitshiye abantu abanengi bethithibele.

Uhlangothi lwezempilakahle lubika ukuba sekulabantu abedlula inkulungwane eziyisithupha – 6,078 asebehlolwe esabelweni seMatabeleland North kusukela ngoMbimbitho batholakala belegciwane leCOVID-19 kwabhubha abangamathumi ayisikhombisa – 70.

Uhlangothi lolu luthi okwamanje kulabantu abedlula kancane inkulungwane lengxenye – 1,508 abalomkhuhlane lo esabelweni lesi. Izakhamizi zeKwarai esigabeni seLupane zithi zithwele nzima. Omunye wabo nguNkosikazi Judy Sibanda.

Uyakhala loMnu. Elias Tshuma, ohlala esiqintini seSolobela eLupane.

Usomabhizimusi, uMnu. Lungisani Mpala, ohlala eJotsholo Ward, uthi uthwele nzima ngesikhathi kumemetheka igciwane leCOVID-19.

UMpala uthi uhulumende kumele azame ukuqhuba ngemfanelo uhlelo lokuhlaba abantu ijekiseni yokuzivikela kumkhuhlane weCOVID-19.

Uhlangothi lwezempilakahle luthi kulabantu abedlula inkulungwane ezine lengxenye – 4,500 esabelweni seMatabeleland North asebephephe kumkhuhlane weCOVID-19.

Bayakhala Abantu Ngokumemetheka Kwegciwane leCOVID-19
please wait

No media source currently available

0:00 0:03:35 0:00


XS
SM
MD
LG