amalinks wokungena

Breaking News

Sekunganeno Ukumemetheka Komkhuhlane weCOVID-19 eZimbabwe


Kulabantu abalitshumi lasithupha – 16 abahlolwe batholakala belomkhuhlane weCOVID-19 eZimbabwe kunsuku ezimbili ezisanda kwedlula eZimbabwe. Uhlangothi lwezempilakahle luthi inani labantu asebehlolwe batholakala bele coronavirus kusukela ngoMbimbitho selifika phose kunkulungwane eziyisitshiyangalombili – 7,803.

Phakathi kwenani leli, abedlula inkulungwane eziyisithupha – 6,067 sebaphepha kumkhuhlane lo. Abafisa phose amakhulu amabili lamatshumi amathathu – 227 babhubha. Kusukela ngoLwesihlanu, akulamuntu owabulawa ngukhuhlane lo eZimbabwe.

Emhlabeni wonke jikelele, isibhedlela seJohns Hopkins University sibika ukuthi sokulabantu abedlula phose izigidi ezingamatshumi amathathu – 33 million asebehlolwe emhlabeni wonke batholakala beleCOVID-19. Kunani leli, sebefika phose isigidi – 995,000 abantu asebebulewe yiCOVID-19 emazweni atshiyeneyo.

Kwele Melika, sokulabantu abedlula izigidi eziyisikhombisa – 7,089,611 asebehlolwe batholakala bele COVID-19. Sokubhubhe abedlula inkulungwane ezingamakhulu amabili – 204,000.

Facebook Forum

XS
SM
MD
LG