Uhlangothi lukahulumende olubona ngezempilakahle luthi kulomuntu eZimbabwe osanda kubulawa ngumkhuhlane weCOVID-19 labahlanu abahlolwe izolo batholakala bele Coronavirus.
Uhlangothi lolu luthi umkhuhlane lo usubulele abantu abedlula amakhulu amabili lamatshumi amane -243 selokhu waqhamuka eZimbabwe ngoMbimbitho lonyaka.
Luthi ngeSonto kulabantu abayisikhombisa abahlolwe batholakala beleCOVID-19.
Sokulabantu abedlula inkulungwane eziyisitshiyangalombili lamakhulu amathathu – 8,374 asebehlolwa batholakala bele COVID-19 elizweni. Abafika phose inani elifanayo – 7,927 sebaphepha kumkhuhlane lo.
Emhlabeni wonke jikelele, isibhedlela seJohns Hopkins University sithi sokulabantu abafika phose izigidi ezingatshumi amahlanu- 47 million asebehlolwe batholakala bele COVID-19. Sokwabhubha abedlula isigidi - 1,196,891.