amalinks wokungena

Breaking News

Abantu Abafika Phose Ikhulu Abahlolwe NgoLwesithathu Batholakale BeleCOVID-19 eZimbabwe


Kulabantu abafika phose ikhulu – 95 abaholwe izolo eZimbabwe batholakala belomkhuhlane weCOVID-19.

Uhlangothi lwezempilakahle luthi kulomuntu oyedwa obulewe ngumkhuhlane lo ngoLwesithathi. Abantu abedlula inkulungwane ezilitshumi lanye – 11,007 sebahlolwa kusukela ngoMbimbitho lonyaka batholakala belomkhuhlane lo kwathi abedlula inkulungwane eziyisificamunwemunye – 9,147 baphepha kumkhuhlane weCOVID-19.

Kulabantu abedlula amakhulu amathathu – 304 asebabulawa ngumkhuhlane lo eZimbabwe. Kuzwekazi leAfrica sokulabantu abedlula izigidi ezimbili -2,3 million abahlolwe batholakala belecovid 19, labulala inkulungwane ezedula amatshumi amahlanu - 54,856.

Emhlabeni wonke jikelele, isibhedlela seJohns Hopkins University sibika ukuthi sokulabantu abafika phose izigidi ezingamatshumi ayisikhombisa – 67 million asebehlolwe batholakala bele Coronavirus esibulele abedlula isigidi lengxenye – 1,6 million.

Sebesedlula izigidi ezilitshumi lanhlanu – 15,3 million abantu kwele Melika asebetholakale bele COVID-19, kwabhubha abafika phose inkulungwane ezingamakhulu amathathu – 289,000.

XS
SM
MD
LG