amalinks wokungena

Breaking News

Odokotela Bathi Lilakho Ukumemetheka Ngamandla Igciwane leCOVID-19 eZimbabwe


Odokotela bakhuthaza abantu eZimbabwe ukuba baqaphele umkhuhlane weCOVID-19 okukhanya usungene kuhlandla lesithathu elizweni ngesikhathi kulabanye abahlatshwa amajekiseni okuzivikela ekuthapheni igciwane leCoronavirus.

Uhlangothi lwezempilakahle lubika ukuba akulamuntu obulewe ngumkhuhlane weCOVID-19 izolo. Luthi abantu abangamatshumi amabili lane – 24 bahlolwe batholakala belegciwane leCOVID-19.

Uhlangothi lolu luthi abantu abafika phose inkulungwane ezingamakhulu ayisikhombisa – 687,000 sebehlatshwe okwakuqala ijekiseni yokuzivikela kumkhuhlane lo kuthi njalo abedlula inkulungwane ezingamakhulu amathathu – 375,000 sebehlathwe okwesibili.

Lokhu kubikwa ngesikhathi odokotela besithi usungene kuhlandla lesithathu umkhuhlane weCOVID-19 eZimbabwe. UDokotela Solwayo Ngwenya, umqondisi wesibhedlela seMpilo Hospital, uthi kumele abantu beqaphele umkhuhlane lo.

kumkhuhlane weCOVID-19 ukwenzela ukuthi bengathaphi ingciwane leli. Okwamanje, kubikwa ukuthi kusilela amatanka alomoya weOxgen lamajekiseni okuzivikela kumkhuhlane lo.

Kodwa uDokotela Mahomva, utshele iphephandaba leHerald ukuthi sebethethe amajekiseni endaweni okulabantu abalutshwana bawafaka endaweni ezilabantu abafuna ukuhlatshwa.

Kakhulumanga ngokuswelakala kwamatanka alomoya weOxygen onceda abalegciwane leCOVID-19 ukuba baphefumule kahle.

Abantu bathi bayawesaba kakhulu umkhuhlane lo njalo bathwele nzima eZimbabwe. Omunye wababhekane lenhlupho ezinengi nguNkosazana Abigail Mupambi, ohlala eHarare.

Uhlangothi lwezempilakahle luthi abantu abafika phose inkulungwane lengxenye – 1,605 sebabulawa ngumkhuhlane weCOVID-19 eZimbabwe okulabafika inkulungwane ezingamatshumi amane - 39 168 asebahlolwa batholakala belomkhuhlane lo.

XS
SM
MD
LG