amalinks wokungena

Breaking News

Bahlaba Umkhosi Abantu Ngohlelo Lukahulumende Lokuvimba Ukumemetheka Kwegciwane leCOVID-19


Abanye abantu bathi kuzakuba nzima ukuba balandele iziqondiso zokuvikela uzulu kumkhuhlane weCOVID-19 ezethulwe izolo ngumsekeli kamongameli, uMnu. Constantino Chiwenga.

Kukhangelelwe ukuba abantu bazaqala kusasa ukulandela iziqondiso ezethulwe nguChiwenga. Uhulumende uthi akusamelanga kube lemihlangano ngaphandle kwengcosana yabantu abavunyelwa ukuya emfeni.

Akusamelanga abantu bahambe emitshadweni, endaweni okuculwa khona lemidlalweni etshiyeneyo loba uMongameli Emmerson Mnangagwa esanda kuvumela abaculayo ukuba babukelwe ngabantu abangamatshumi amahlanu – 50.

Uhulumende uthi uzathwalisa nzima abantu abangalandeli iziqondiso ezintsha ezigoqela ukufaka ama-masks emphakathini lemabhasini.

UNkosazana Pretty Mpofu, othengisa impahla emigwaqweni, uthi kuyasinda okwethulwe nguChwenga.

“I-Lockdown esiphombukufakwa nje singakhangelelanga singacabangeli, engazange asinike inotice njengabantu abaphila ngokuthi bathengise emigwaqweni. At least kube besinikiwe seven days ukuthi kuzaba le-Lockdown maybe next week sakwanisa ukuthi sisebenze siqogelele okokudla okungasenza ukuthi senelise ukuhlala ezindlini ngoba siyananzelela ukuthi isikhathi abasifakileyo njengabantu abazisebenzayo siyabe sifuna ukuthi sivukele emarket ngu5 o'clock lawe ukwazi ukuthi uthole izinto ngesikhathi eziyabe zisathengeka.”

UMnu. Dalubuhle Ncube, isakhamuzi seNkulumane, uthi izinqumo ezethulwe nguChiwenga zizengeza ubugebengu obukhona elizweni.

Ukhala ngokuthi kuzakwehliswa inani labantu abasebenza kumankampani.

“Kunengi okuzavuka ngalawa amaregulations afakiweyo okubana sivikeleke kulowu umkhuhlane esiphakathi kwawo. Ungananzelela edolobheni lakoBulawayo besekugcwele ubudlwangudlwangu amasela abesegcwele ngendaba yokubana bebengasebenzi. Iregulation le yokubana abantu kuzamele bephungulwe emsebenzini nge50% kuzabangela ukuthi abantu abanengi betshone ezindlini becine bedinga ezinye indlela ukuthi badinge izimali.”

UMnu. Mike Ndiweni, umqondisi wenhlanganiso yeBulawayo Vendors and Traders Association, uthi bazaqhubeka befundisa amalunga abo ngemithetho yokuthi bazivikele kumkhuhlane weCOVID-19.

“Abantu bazaqhubeka besebenza emkambo lathi sizaqhubeka sibafundisa ukuthi baqhubeke belandela izinqumo zonalezo ezifunekayo. Sisakhangela, sisalindile ukuthi sibone. Okungani kuyasiphambanisa yikuthi umongameli ubethe yena abezemidlalo abamakatali, abahlabelayo baqale ukusebenzisa kodwa bengadluli inani le50, nanku umnunzana uChiwenga uthi yonke imbuthano isivaliwe ngaphandle kwezimfa. Sesididekile.”

UChiwenga ubike ukuba abathwala abantu ngezimota kumele balandele iziqondiso zokuvikela uzulu kumkhuhlane weCOVID-19 ngokuthwala inani labantu elivunyelwayo njalo lokubona ukuba bonke abantu bagqoka ama-masks. Izitolo zona zizavula ngehola lesitshayangalombili ekuseni zivalwe ngehola lesithupha ntambama.

Uzulu uzabe esaziswa indawo okungamelanga bahambele kizo nsukuzonke eziyabe zilabantu abanengi ababanjwe umkhuhlane weCOVID-19. UChiwenga uthe amadolobho azavalwa ngci nxa abantu bengalandeli izinqumo lezi.

Udaba Esilethulelwe NguBathabile Masuku
please wait

No media source currently available

0:00 0:03:28 0:00


Facebook Forum

XS
SM
MD
LG