amalinks wokungena

Breaking News

'Imikhakha Etshiyeneyo Yegciwane leCOVID-19 Izabulala Abantu Abanengi'


Umkhuhlane weCOVID-19 lokhu umemetheka eZimbabwe lobanje kukhanya selehlile inani labatholakala belegciwane leCoronavirus kulez’insuku.

Umkhuhlane lo wethusa abantu abanengi ngenxa yemikhakha etshiyeneyo yeCOVID-19.

Sokulemikhakha yeCOVID-19 egoqela iDelta, Alpha, Beta, Gamma, C.1.2 leminye eyethuthusa uzulu eZimbabwe lemhlabeni wonke jikelele. Abezempilakahle bathi kulakho ukuqhamuke eminye njalo imikhakha ngenxa yokuthi igciwane leCOVID-19 liguqulwa yindlela abantu abazama ukulivimba.

USikhwicamfundo Solwayo Ngwenya, umqondisi wesibhedlela seMpilo Hospital, uthi iCOVID-19 ilakho ukubulala abantu abedlula ababulawa yifuleza.

Uthi minengi imikhakha yeCOVID-19 ezaqhamuka emhlabeni wonke jikelele.

UNgwenya uthi abantu besebelandela imithetho yokuvimba ukumemetheka kwegciwane leCOVID-19 kodwa kusobala ukuba lizamemetheka ngamandla kusikhatshana esilandelayo.

Abanye abakhala ngomkhuhlane lo ngabaculi eZimbabwe. USandra Ndebele, umculi olodumo, uthi usethengisa imibhida lokunye ukwenzela ukuziphilisa.

Uthi bayazama ukuncedana abaculi lobanje kuphileka nzima.

Omunye njalo okhala ngomkhuhlane longuMnu. Effie Dlela Ncube, isakhamuzi sakoBulawayo. Uthi ukuvulwa kwezikolo kulakho ukumemethekisa igciwane leCOVID-19.

Uhlangothi lwezempilakahle luthi kulabantu abafika phose inkulungwane ezine lengxenye – 4,482 asebebulewe ngumkhuhlane weCOVID-19 kusukela ngoMbimbitho nyakenye.

Facebook Forum

XS
SM
MD
LG