amalinks wokungena

Breaking News

Uhulumende Uthi Abantu Kumele Balimuke Eminye Imikhakha Ebulala Kakhulu Eyegciwane leCOVID-19


Obona ngokunqabelwa kwemikhuhlane osebenza ewofisini kaMongameli Emmerson Mnangagwa uthi kumele abantu eZimbabwe belimuke elinye njalo ihlandla lokumemetheka komkhuhlane weCOVID-19 kulandela ihlandla lesithathu okuthiwa ngeSilungu yi3rd wave okubhubhe khona abantu abanengi kwathi abanye njalo bathapha umkhakha weDelta COVID-19.

UDokotela Agnes Mahomva uthi ihlandla lesine lingaqhamuka nxa abantu bengalandeli okwethulwa ngabezempilakahle. UDokotela Mahomva ukhulume lokhu enkundleni zokuxhumana ezitshiyeneyo njengalokhu akwenza maviki wonke.

Uhlangothi lwezempilakahle luthi abezokholo lweSiKhristu sebevunyelwa ukuba benze inkonzo ezindaweni zokukhonzela ezilabantu abalikhulu.

Ezimfeni lakho sokungabuthana inani labantu elifanayo. Kuvunyelwa labangahlatshwanga ijekiseni yokuzivikela kumkhuhlane weCOVID-19, obulele abane izolo eZimbabwe kwathi abafika phose amatshumi ayisithupha – 57 bahlolwe batholakala belegciwane leCOVID-19.

Abantu abedlula inkulungwane ezine lengxenye – 4,536 sebabulawa ngumkhuhlane lo kusukela ngoMbimbitho nyakenye.

Uhlangothi lwezempilakahle lubika ukuba abafika phose izigidi ezintathu - 2,836,753 sebehlatshwe okwakuqala ijekiseni yokuzivikela kumkhuhlan weCOVID-19.

Kukhangelelwe ukuba eleZimbabwe namuhla lizakwamukela amajekiseni athengwe kwele China ayisilinganiso sama doses afika ingxenye yesigidi - 500,000.

UDokotela Solwayo Ngwenya, osebenza eMpilo Hospital, uthi kumele abantu balimuke ukumemetheka kwemikhakha etshiyeneyo eyeCOVID-19.

Facebook Forum

XS
SM
MD
LG