amalinks wokungena

Breaking News

Umkhuhlane weCOVID-19 Ubulala Umuntu eZimbabwe


Uhlangothi lwezempilakahle lubika ukuba kulomuntu obulewe ngumkhlane weCOVID-19 izolo kwathi abedlula ikhulu – 107 bahlolwe batholakala belegciwane leCOVID-19.

Luthi abantu abedlula inkulungwane ezine lengxenye – 4,563 sebabulawa ngomkhuhlane lo selokhu waqhamuke eZimbabwe nyakenye. Abantu abedlula inkulungwane ezilikhu lamatshumi amabili – 127,739 sebetholakale belegciwane leCOVID-19 kusukela ngoMbimbitho ngomnyaka ophelileyo.

Kunani laba sekwaphepha abafika inkulungwane ezilikhulu – 120,263. Omunye wabaphepha kumkhuhlane longuNkosikazi Sihlesenkosi Mhlanga, ohlala eLupane, esabelweni seMatabeleland North, othi waphosa wabulawa yiCOVID-19

Kusenjalo, abantwana abedlula amakhulu amane – 430 sebehlolwe batholakala belegciwane leCOVID-19 kusukelwa ngesikhathi kuvulwa izikolo. Uhulumende uthi bazama ngamandla wonke ukunqabela ukumemetheka kwegciwane leCOVID-19 ezikolo.

XS
SM
MD
LG