amalinks wokungena

Breaking News

Abantu Abanengi Bethuswa Yikumemetheka Kwegciwane leCOVID-19 Ezikolo eZimbabwe


FILE: Abantwana abedlula inkulungwane abasanda kuhlolwa ngabezimpilakahle batholakale belegciwane leCOVID-19.

Abantu abanengi bathi kabasakwazi ukuba bahambise abantwana ezikolo lapho okumemetheka khona ngamandla ingciwane leCOVID-19 kumbe behlale labo ngekhaya lapho abacina beganga okumangalisayo.

Lokhu kuza ngesikhathi uhlangothi lwezempilakahle lusanda kubika ukuba abantwana abedlula inkulungwane lamakhulu amabili – 1,281 lababalisi abalikhulu lamatshumi amathathu lanye – 131 eZimbabwe bahlolwe ezikolo abahlala khona batholakala belegciwane leCOVID-19.

UMnu. Njabulo Mpofu ngomunye wabahlutshwa yisehlakalo lesi.

UMpofu ukhala labanye abazali abathi umkhuhlane lo usuphazamise izifundo zabantwana.

Lokhu kusekelwa nguNkosikazi Mirriam Nkomazana, ohlala eCowdray Park koBulawayo.

UNkosikazi Nkomazana uphinde wathi umkhuhlane lo usubangele ukuba kube lobusela obumangalisayo.

UNkosikazi Thithibele Simango wakoBulawayo laye uthi sebephila nzima.

Othenga ethengisa impahla, uNkosikazi Sibongile Nkomo, labanye, bakhala ngokufanayo.

UMnu. Simbarashe James Tafirenyika, umkhokheli wenhlanganiso yeZimbabwe Urban and Rural Council Nurses Workers’ Union, ucebisa uhulumande ukuba ahambise abezempilakahle ezikolo okuhlala khona abantwana ukuze kwehliswe inani labatholakala bele COVID-19.

Kusenjalo, uhlangothi lwezempilakahle lubika ukuba kulomuntu oyedwa obulewe ngumkhuhlane weCOVID-19 izolo eZimbabwe kwathi abalikhulu lamatshumi amane lanhlanu -145 bahlolwe batholakala belegciwane leCoronavirus.

Udaba Esilethulelwe NguMavis Gama
please wait

No media source currently available

0:00 0:03:27 0:00


Umkhuhlane lo usubulele abantu abedlula inkulungwane ezine lengxenye - 4,603 kusukela nyakenya. Asebethaphe igciwane leCOVID-19 bafika phose inkulungwane ezilikhulu lamatshumi amathathu - 129,505.

Facebook Forum

XS
SM
MD
LG