amalinks wokungena

Breaking News

Sokuhlolisiswa Isiphathamandla Sikahulumende Esibanjwe Sizama Ukuthapha i$5,6 Million eyeCOVID-19 eZimbabwe


Funeral workers wearing personal protective equipment are seen after a burial South Africa

Ikhomishini yeZimbabwe Anti-Corruption Commission kubikwa ukuthi ihlolisisa ubukhohlakali okuthiwa benziwa nguDokotela John Mangwiro, umsekeli womphathintambo wezempilakahle, okuthiwa waqhatsha inkampani yeYouth Health Care okungekho emthethweni.

Iphephandaba leSunday Mail libika ukuthi uDokotela Magwiro wethusela ezinye izisebenzi zenkampani ethenga amaphilisi lokunye esithi kumele iYouth Health Care ithenge okwakufunwa nguhulumende okugoqela imitshina yokuhlola iCOVID-19 ebiza amadola adlula izigidi ezinhlanu lengxenye – $5,6 million.

Kasenelisanga ukukhuluma laye ngodaba lolu ngoba ubengadobhi umakhalekhukhwini wakhe. Leziphathamandla zeZACC zalile ukukhuluma ngodaba lolu.

Owayengumphathintambo yohlangothi lwezempilakahle, uDokotela Obadiah Moyo, wasuswa esikhundleni lesi esetheswa icala lokuthi wadinga inkampani yeDrax International okungekho emthethweni ukuthi ithenge impahla yeCOVID-19 ngemali efika izigidi ezingamatshumi ayisithupha - $60 million.

UMoyo wavunyelwa ukuba ahlawule isibambiso sebail. Akwaziwa ukuthi udaba icala lakhe lizathoniswa nini emthethwandaba.

Facebook Forum

XS
SM
MD
LG