amalinks wokungena

Breaking News

Sokulomnyaka iWorld Health Organization Yathi iCOVID-19 Izahlasela Umhlaba Wonke


UMnu Constantino Chiwenga uhlatshwa ijekiseni yeCOVID-19.

Sokulomnyaka inhlanganiso yeWorld Health Organisation (WHO) yazisa abantu ukuba umkhuhlane weCOVID-19 uthelelwana lula ngakho-ke uzamemetheka emhlabeni wonke jikelele ngesiphangiphangi nxa kungenziwanga izinqumo zokuwuvimba.

Okwamanje, isibhedlela seJohns Hopkins University sithi abantu abafika phose izigidi ezilikhulu lamatshumi amabili – 118 million sebehlolwe batholakala bele COVID-19 kwabhubha abedlula izigidi ezimbili lengxenye – 2,6 million.

Abantu abanengi balahlekelwe yimisebenzi lobanje amazwe afana leCanada leSouth Africa anceda izizalwane zawo ngemali. Lokhu kuyehlula kwele Zimbabwe.

Ingcitshi zithi umkhuhlane lo utshengise ukuthi uhulumende kumele alungise indaba zezempilakahle.

UDokotela Gary Shava uthi iCOVID-19 isikubeke egcekeni ukuba ezempilakahle ziqakathekile.

“Uhulumende usebeke izimiso zokumisana lalumkhuhlane. Okudingakalayo yikuba izibhedlela zenze imizamo yokuba abantu bavikele kulumkhuhlane.”

Owake waba ngumphathintambo wezempilakahle kuhulumende womanyano, uDokotela Henry Madzorere, uthi ngabe ele Zimbabwe lalilungisele kwakuzaba ngcono.

Ingcitshi kwezemnotho zithi iCOVID-19 yaphambanisa umnotho ikakhulu ukuvalwa okwenziwa amakampani.

UMnu. Pride Mkono, ozimeleyo, uthi umkhuhlane we COVID-19 ukwenze kwaba sobala ukuba uhulumende kumele ahlale elemali yokunakekela abayanga.

“Abanyanga labaswelayo kumele bephiwa ama social safety nets. Ngenxa yelockdown kabenelisi ukwenz imisebenzi ehlukeneyo. Uhulumende kumele abanikeze ukudla.”

Ocubungula ezomnotho ezimele, uMnu. Masimba Kuchera, uthi iCOVID-19 inikeze isifundo esokuba uhulumende lelizwe leZImbabwe kumele ahlele elungele indubo ezifana lalezi.

Ezinye ingcitshi zithi kuyajabulisa ukuba uhulumende weZimbabwe ngomunye wabo hulumende asebethenge ijekiseni leCOVID-19.

Ekhuluma ngemva kokuhlatshwa ijekiseni le Sinopharm kumaviki asanda kwedlula umsekeli kamongameli we lizwe, uMnu. Constantino Chiwenga, wathi iSinopharm izanceda.

“ISinopharm vaccine satshelwa ukuba iyasebenza. Ukuhlatshwa kwami kutshengisa ukuba ngiyathemba ukuba iSinopharm iyasebenza.”

Umkhuhlane weCovid-19 wahlasela umuntu wakuqala eZimbabwe mhlaka 20 Mbimbitho kumnyaka ophelileyo njalo intathelizindaba uZororo Makamba nguye umuntu wakuqala ukubulawa ngumkhuhlane lo mhlaka 23 Mbimbitho.

Kuze kube namhlanje iCOVID-19 isibambe abantu abazinkulungwane ezingangamatshumi amathathu – 36,310 njalo isibulele inkulungwane phose ezimbili.

Sokulomnyaka Abantu Belwisana Lomkhuhlane weCOVID-19
please wait

No media source currently available

0:00 0:04:44 0:00


Facebook Forum

XS
SM
MD
LG